Fransıanyń shyǵysynda ómir súrip jatqan múmkindigi shekteýli azamat qorap syrtynan týra óziniń aıaǵyn kórip qatty tań qalǵanyn jasyrmaıdy. Ol eshkimge óziniń fotolaryn jarıa etýge ruqsat bermegen dep jazady Qamshy.kz aqparat agenttigi.

Budan bólek, onyń aıaǵynyń kesilýine temeki shegýdiń múlde qatysy bolmaǵan. Syrtynda er adamnyń dene múshesiniń sýreti ornalasqan qorappen temeki satýǵa Eýroodaq ruqsat beripti-mys. Qorapta «shylym shegý – densaýlyqqa zıan» degen jazý bar.

60 jastaǵy Albanıa azamaty aıaǵynyń kesilýine óz elinde júrgende alǵan tereń jaraqat sebep bolǵanyn aıtady. Bul jaraqatty ol 1997 jyly alypty.

Alban azamatynyń advokaty eshbir kelisimsiz adamnyń sýretin jarıa etýge bolmaıtyny týraly hat jazyp, Eýropalyq komısıaǵa joldaǵan. Fransıada turatyn azamat óziniń aıaǵyn erekshe belgileri arqyly tanyǵan. Aıaǵynda kúıikten qalǵan tyrtyqtary ońaı tanýǵa kómektesken.

Qoraptaǵy sýretti Albanıa azamatynyń balasy baıqap qalǵan. Jábirlenýshiniń óz aıtýyna nazar salsaq, bul foto aýrýhanada túsirilgen bolýy múmkin. Óıtkeni, protez ornatý máselesi kezinde sýretke túsirgen eken, kesilgen aıaqtyń orynyn.

Jábirlenýshiniń advokaty bul jaǵdaıdy kórip, qatty tań qalǵanyn aıtady. Jaǵdaıdy túsindirý týraly ótinish hat jazylyp, biri aýrýhanaǵa, biri Eýrokomıssıaǵa joldanǵan.