QR Úkimetiniń qaýlysymen Erlan Nurálıuly Nysanbaev QR Ekologıa, geologıa jáne tabıǵı resýrstar vıse-mınıstri qyzmetine taǵaıyndaldy, dep habarlaıdy Qamshy.kz aqparat agenttigi QR Premer-mınıstriniń baspasóz qyzmetine silteme jasap.

Erlan Nysanbaev 1961 jyly Almaty oblysynda dúnıege kelgen. 1983 jyly orman sharýashylyǵynyń ınjeneri mamandyǵy boıynsha Qazaq aýyl sharýashylyǵy ınstıtýtyn, 2008 jyly Abaı atyndaǵy Qazaq ulttyq pedagogıkalyq ýnıversıtetin támamdaǵan.

Eńbek jolyn 1983 jyly orman sharýashylyǵy sheberi bolyp bastaǵan. Túrli jyldary memlekettik jáne komersıalyq uıymdarda jumys istegen.

2009–2013 jyldary QR Aýyl sharýashylyǵy mınıstrliginiń Orman jáne ań sharýashylyǵy komıtetiniń tóraǵasy laýazymyn atqarǵan.

2013 jylǵy aqpanda QR Qorshaǵan ortany qorǵaý vıse-mınıstri bolyp taǵaıyndalǵan, 2014 jylǵy tamyz aıynan bastap qazirgi tańǵa deıin — QR Aýyl sharýashylyǵy vıse-mınıstri qyzmetin atqarǵan.