Bul týraly Úkimettiń kezekti otyrysynda Indýstrıa jáne ınfraqurylymdyq damý mınıstri Roman Sklár aıtty.

"Osy jyly 6 aı ishinde turǵyn úı qurylysyna 605,7 mlrd teńge ınvestısıa tartyldy. Bul 2018 jylǵy deńgeıden 15,5 paıyzǵa joǵary. 1 teńge memlekettik qarajatqa 7,4 teńge jeke ınvestısıa tartyldy. Bıyldyń sońyna deıin 118 myń baspana (13 mln sharshy metr) salýdy josparladyq. Jartyjyldyq qorytyndy boıynsha 48 925 baspana (5,7 mln sharshy metr) paıdalanýǵa berildi" dedi mınıstr.

Jaqyn arada Nur-Sultan, Almaty jáne Shymkent qalalarynda jastarǵa baspana bólý tártibi belgilenedi. Aldaǵy úsh jylda Nur-Sultan, Almaty qalalarynda 1050 páter jáne Shymkentte 900 páter úlestirilmek.

Jyl aıaǵyna deıin «Nurly jer» baǵdarlamasynyń jańa redaksıasyn bekitý josparlanýda. Onyń aıasynda 2025 jylǵa deıin 650 myńǵa jýyq otbasy nemese 2 mln-nan astam adam jańa turǵyn úımen qamtamasyz etiledi dep kútilýde.