Qazaqstan kóppartıalyq júıede damyp kele jatyr. Muny joqqa shyǵarýǵa bolmaıdy. Qazir parlamentte úsh partıa bar. Atap aıtar bolsaq. «NurOtan» partıasy. Bul – Májiliste eń kóp daýys alǵan saıası uıym. Tóraǵasy –Elbasy Nursultan Ábishuly Nazarbaev.

Árıne, Qazaqstannyń saıası ómirinde jáne elimizde eń myqty jáne qýatty partıaǵa aınalyp otyrǵan saıası uıymnyń qýaty kúshti. Óıtkeni  áńgime –kóshbaasshylyqta.  Elimizdegi ótip jatqan qaı bir sharalar bolsyn, qazir «NurOtansyz» ótpeıdi. Óıtkeni memlekettiń damýyna tikeleı «NurOtan» atsalysyp otyr jáne irgeli partıaǵa senim de kúsheıdi. Onyń ústine qazirgi tańda «NurOtan» shyn máninde halyqtyq jobalardy júzege asyryp jatyr. Jetekshi partıanyń ár salaǵa arnalǵan halyqtyq jobalary bar. Qazirgi tańda «NurOtan» partıasy bılikpen tize qosa otyryp, elimizdegi qordalanǵan problemalardy jedel sheshýge atsalysýda. Bul shyn máninde partıanyń aıqyn myqtylyǵy men qýatty qarqynyn kórsetedi.

Qazir «NurOtan» parlamentte basym daýysqa ıe. Elimizdegi jetekshi partıanyń sondaı-aq májiliste fraksıasy da bar.

Sonymen qatar, Májiliste oryn alǵan saıası uıymnyń biri - «Aqjol» partıasy. Olar «NurOtan» sıaqty halyqtyń basym daýysyn ala alǵan joq. Biraq parlamentte ókilderi bar. 

Májilistegi  oryn alǵan úshinshi partıa ol –  Halyqtyq Komýnıstik partıasy. Olar da asa belsendi emes. Sońǵy eki partıanyń Májiliste 7-8 ǵana ókili bar. Bul sońǵy 2016 jylǵy Májilis saılaýynyń nátıjesi. Prezıdent jarlyǵymen Assambleıadan taǵaıyndalǵan 9 depýtattyń da parlamentte mandaty bar. Mine Qazaqstannyń saıası dodasynda alǵashqy úshtikke ilingen úsh partıa osy. Biraq qalǵan eki partıa saıası dodada «NurOtannyń» shańyna da ilese almaı qaldy. Bul eldegi jetekshi partıanyń qýatty qarqynyn jáne halyqtyń basym daýsyna ıe bolyp otyrǵanyn kórsetedi.

Budan basqa Qazaqstanda Komýnıstik, «Aýyl», Aqıqat» jáne «Birlik» partıasy bar. Biraq  olar 2016 jylǵy saıası dodada ózderin kórsete almady. Sóıtip, Májilisten oryn ala alǵan joq.

Al keler saılaý qashan bolady? Sarapshylar 2021 jyly ótetin bolar dep topshylanyp otyr. Biraq Qazaqstannyń parlamentarızm tarıhyna úńile qarasaq, barlyq Májilis saılaýy merziminen buryn ótken. Olaı bolsa, keler jyly májilis saılaýy ótýiá múmkin be? Ol jaǵy áli belgisiz. Biraq aldaǵy saılaýda saıası básekelestik qyza túsetini ol endi anyq. «Sondyqtan saıası arenaǵa jańa partıa shyǵýy da múmkin»,-  deıdi keıbir sarapshylar. Biraq ýaqyttyń qysqa ekenin eskerer bolsaq, jańadan keletin saıası partıa top jaryp shyǵady deý senimsiz. Qýaty jáne saıası básekelestigi jaǵynan qazir «NurOtan» eshkimge des bermeı tur.

 Ádilet Mádenıet