«Halyk pen Qazkom-nyń birigýiniń asa kúrdeli prosesiniń aıaqtalǵanyna bir jyl boldy. 2019 jyldyń birinshi jarty jyldyǵynda Bank klıentke baǵdarlaý, klıentterge qyzmet kórsetý sapasyn jáne tehnologıalylyǵyn arttyratyn sıfrlyq servıster men úrdisterdiń ári qaraı damýyna, tranzaksıalyq bankıngtiń múmkindikterin keńeıtýge nazar aýdara otyryp, Toptyń jańa damý strategıasyn júzege asyrýǵa shoǵyrlanǵandy bolatyn. Onymen birýaqytta, HalykBank shekara syrtynda da josparly jáne núkteli jyljyp keledi, atap aıtqanda, kórshiles Ózbekstan naryǵynyń jańa múmkindikteri men perspektıvalaryn paıdalanyp kelemiz, – dep Halyq bank basqarmasynyń tóraıymy Úmit Shaıahmetova málimdedi, – İstelgen jumystyń nátıjesi esepti kezeńde bazalyq qarjy kórsetkishteriniń turaqty ósimi, kredıt qorjynynyń sapasyn arttyrý, halyqaralyq reıtıńterdiń ósýi boldy, bul qarjy ınstıtýty damýynyń syndarly baǵytyn taǵy bir ret rastap otyr. Uzaqqa sozylǵan pozıtıvti trend jańa dıvıdendtik saıasatty bekitýge múmkindik berdi, bul HalykBank aksıalary men JDQ-nyń baǵa belgilenýiniń ósýine jaǵymdy áser etti».

Taza paıda 2018 jyldyń İİ toqsanynda 24.1 mlrd. teńgemen salystyrǵanda 2019 jyldyń İİ toqsanynda 89.7 mlrd. teńgege deıin ulǵaıdy, bul negizinen 2018 jyldyń İİ toqsanynda qarjylyq emes aktıvterdiń qunsyzdanýynan bolǵan 28.5 mlrd. teńge mólsherindegi zalaldyń nátıjesinde, sondaı-aq Halyq bankine qosylýyna baılanysty Kazkommersbanktiń (KKB) 2018jyldyń İİ toqsanynda 43.3 mlrd. teńge mólsherindegi merzimi ótken salyq aktıvin tanýdy toqtatý esebinen boldy.

Paıyzdyq kirister negizinen paıyzdyq aktıvterdiń ortasha qaldyqtarynyń ósýi esebinen 2018 jyldyń İİ toqsanyndaǵy 171.0 mlrd. teńgemen salystyrǵanda 2019 jyldyń İİ toqsanynda 179.9 mlrd. teńgege ulǵaıdy. Paıyzdyq shyǵystar 2018jyldyń İİ toqsanymen salystyrǵanda 0.6%-ǵa tómendedi. Taza paıyzdyq marja negizinen paıyzdyq mindettemelerdi paıyzdyq aktıvterge ornalastyrý úlesin ulǵaıtý esebinen 2019 jyldyń İ toqsanymen salystyrǵanda 2019 jyldyń İİ toqsanynda jyldyǵy 5.1%-ǵa deıin ósti.

Klıentterge beriletin zaemdar boıynsha táýekeldiń quny 2019 jyldyń İİ toqsanynda iri problemalyq zaemdardyń birýaqytta óteýine baılanysty 0.3% qurady.

Qyzmetter men komısıalar boıynsha kirister tranzaksıalyq bıznestiń, negizinen plasık kartalary boıynsha operasıalar, sondaı-aq kasalyq operasıalar men banktik aýdarymdar – esep aıyrysý shottary boıynsha ósip kele jatqan kólemniń nátıjesinde 2019 jyldyń İ toqsanymen salystyrǵanda 2019 jyldyń İİ toqsanynda 13.9%-ǵa ósti.

Integrasıaǵa deıin Bank pen KKB-niń zańdy tulǵalarynyń aǵymdaǵy shottary arasyndaǵy aýdarymdar syrtqy aýdarymdar retinde qarastyrylǵan jáne olarǵa tıisti komısıalar qoldanyldy. Integrasıadan keıin osy aǵymdaǵy shottar arasyndaǵy aýdarymdar ishki aýdarymdar retinde qaralýda, demek, tegin bolyp tabylady. Nátıjesinde banktik aýdarymdardan – esep aıyrysý shottarynan alynǵan komısıalyq kirister 2018 jyldyń İİ toqsanymen salystyrǵanda 2019 jyldyń İİ toqsanynda tómendedi.

Qyzmetter men komısıalar boıynsha shyǵystar negizinen Banktiń ekvaırıńtik jelisindegi basqa bankterdiń kartalary boıynsha operasıalar sanyn arttyrý esebinen 2019 jyldyń İ toqsanymen salystyrǵanda 14.9%-ǵa artty.

Ózge paıyzdyq emes kirister negizinen QRUB-nen svopty qaıta baǵalaýdan eń tómen zalaldyń jáne «Halyk Life» AQ enshiles kompanıasynyń tartylǵan zeınetaqy anýıtetteriniń sanyn arttyrý nátıjesinde saqtandyrý qyzmetinen eń joǵary kiristiń esebinen 2019 jyldyń İ toqsanyndaǵy 28.5 mlrd. teńgemen salystyrǵanda 2019 jyldyń İİ toqsanynda 48.7 mlrd. teńgege deıin 70.8%-ǵa artty.

Operasıalyq shyǵystar negizinen 2018jyldyń İİ toqsanynda 28.5 mlrd. teńge mólsherinde qarjylyq emes aktıvterdiń qunsyzdanýynan bolǵan zalaldyń esebinen jáne KKB-niń Halyq bankine qosylýynan bolǵan sınergetıkalyq áserge baılanysty shyǵyndardy ońtaılandyrý esebinen 2018jyldyń İİ toqsanymen salystyrǵanda 47.9%-ǵa tómendedi. Operasıalyq shyǵystar 2019 jyldyń 1 naýryzynan bastap jalaqy men syılyqaqyny ındeksteý nátıjesinde 2019 jyldyń İ toqsanymen salystyrǵanda 9.9%-ǵa ósti.

Operasıalyq shyǵystardyń operasıalyq kiristerge araqatynasy 2018 jyldyń İİ toqsanymen salystyrǵanda 2019 jyldyń İİ toqsanynda operasıalyq shyǵystardyń eń tómengi deńgeıine jáne operasıalyq kiristerdiń eń joǵary deńgeıine baılanysty 2018 jyldyń İİ toqsanyndaǵy 44.6%-ben salystyrǵanda 22.3%-ǵa deıin tómendedi. Operasıalyq kiris negizinen taza paıyzdyq kiristerdi arttyrý esebinen 2018 jyldyń İİ toqsanymen salystyrǵanda 4.1%-ǵa artty.

2019 jyldyń İİ toqsanynda aktıvter negizinen 2019 jyldyń İİ toqsanyndaǵy REPO operasıalarynan qarajattyń aǵylyp kelýi esebinen 2018 jyldyń aıaǵymen salystyrǵanda 1.1%-ǵa, 2019 jyldyń İ toqsanymen salystyrǵanda 2.2%-ǵa ósti.

2019 jyldyń İ toqsanymen salystyrǵanda klıentterge beriletin zaemdar brýtto negizde 2.0%-ǵa jáne netto negizde 2.1%-ǵa ósti. 2019 jyldyń İİ toqsanynda brýtto negizde nesıe portfeliniń ulǵaıýy korporatıvtik portfeldiń (brýtto negizde 1.1%), SHOB portfeliniń (brýtto negizde 3.2%) jáne bólshek bıznes portfeliniń (brýtto negizde 3.2%) ulǵaıýyna sebepshi bolǵan.

2019 jyldyń İİ toqsanynyń aıaǵyndaǵy jaǵdaıǵa sáıkes Stage 3 koefısıenti korporatıvtik jáne bólshek bıznes zaemshylarynyń bereshekterin óteý jáne buryn qunsyzdanǵan bereshekterin esepten shyǵarý nátıjesinde 2019 jyldyń İ toqsanynyń sońynda 20.4%-dan 18.6%-ǵa deıin tómendedi.

Zańdy jáne jeke tulǵalardyń qarajattary negizinen Bank klıentteriniń aǵymdaǵy qajettilikterin qarjylandyrý úshin qarajatty ishinara alyp otyrýy saldarynan 2018 jyldyń aıaǵymen salystyrǵanda 4.9% jáne 4.6%-ǵa qysqardy. 2019 jylǵy 30 maýsymdaǵy jaǵdaıǵa sáıkes teńgege denomınasıalanǵan korporatıvtik depozıtterdiń úlesi, depozıtterdiń jalpy somasy 2019 jylǵy 31 naýryzdaǵy 50.3%-ben salystyrǵanda 55.8% qurady, sol eki arada teńgege denomınasıalanǵan bólshek depozıtterdiń úlesi, depozıtterdiń jalpy somasy 2019 jylǵy 31 naýryzdaǵy 42.6%-ben salystyrǵanda 41.8% qurady.

Kredıt mekemeleriniń qarajattary negizinen REPO kelisimderi boıynsha qazaqstandyq bankterdiń zaemdarynyń artýy esebinen 2019jyldyń İ toqsanmen salystyrǵanda 183.9%-ǵa artty. 2019 jyldyń 30 maýsymda Banktiń qarjy ınstıtýttary aldyndaǵy 93.0% mindettemesi qazaqstandyq bankterdiń zaemdarynan (REPO kelisimderi boıynsha zaemdardy qosqanda), ekonomıkanyń jekelegen sektorlaryn qoldaýdyń memlekettik baǵdarlamalary aıasynda «KazAgro» ulttyq basqarýshy holdıńi» AQ-tan, «Damý» kásipkerlikti damytý qory» AQ-tan jáne «Qazaqstan Damý Banki» AQ-tan 2014-2017 jyldyń tartylǵan zaemdardan quralǵan.

«Qazaqstan Halyq Banki» AQ PR qyzmeti