Jurt alǵan nesıesin jaba almaı jatyr. Sońǵy bir aptada redaksıa telefonynda tynym joq. Biz tizimge ilinbeı qalǵan otbasylar men jalǵyzbasty analardyń janaıqaıyn tıisti mınıstrlikterge jetkizýge tyrysyp jatyrmyz. Endi qalǵan máseleni solar sheshetin shyǵar. Búgin de birqatar adamdar Eńbek jáne halyqty áleýmettik qorǵaý mınıstrliginiń ǵımaratyna kirdi. Jaǵdaıyn, janaıqaıyn aıtyp jatyr. Óıtkeni nesıeni jabýǵa shamalary kelmeıdi. Bári de qaryzdy bankten alǵan. Al banktegiler ne istep otyr deńiz. Áleýmettik jelide Qazaqstannyń birqatar bankteriniń basqarma músheleriniń 2018 jyly qansha bonýs alǵany jóninde aqparat tarap jatyr. Endi sumdyq. Ondaı bonýs alǵandar baıymaǵanda qaıtedi?! 

...Al sol bankten kredıt alǵan adamdar mınıstrliktiń mańaıynda júr. Óıtkeni nesıesi áli keshirilmegen. Olar Eńbek jáne halyqty áleýmettik qorǵaý mınıstriligi  jasaǵan tizimge enbeı qalǵan. Al olardyń janaıqaıyn kim estıdi?!

...Bonýs alǵandar baıyp, nesıe alǵandar taqyrlanyp barady. Ádilettilik qaıda?!