Bul týraly óńirlik komýnıkasıalar qyzmeti alańynda ótken brıfıńte Mańǵystaý oblystyq bilim basqarmasy basshysynyń orynbasary Nurlybek Qoıjanov málimdedi.            

Tatarstan Respýblıkasynyń astanasy Qazanda  ótken chempıonatqa álemniń 63 elinen, 1354 qatysýshy jınaldy. Olardyń ishinde 34 qazaqstandyq bar. Olar qyzmet kórsetý salasy, kólik jáne logıstıka, shyǵarmashylyq jáne dızaın, óndiris jáne ınjenerlik tehnologıalar, qurylys jáne qurylys tehnologıalary, aqparattyq jáne komýnıkasıalyq tehnologıalar sıaqty alty baǵyttaǵy mamandyq, 56 quzyrettilik boıynsha básekege tústi.

Qazaqstannan barǵan 34 qatysýshynyń úsheýi - mańǵystaýlyqtar. Olar Mańǵystaý týrızm kolejiniń stýdentteri: «Nan pisirý sheberi» quzyrettiligi boıynsha Marqabaeva Ásem, «Kondıter isi» boıynsha Kabıeva Kamıla, «Qonaqúı ákimshiligi» boıynsha Sanaılova Servana baqtaryn synady.            

Sonymen qatar, chempıonat aıasynda jas kásibı sheberler arasynda ótken «Juniorskills Kazan 2019» chempıonatyna da Mańǵystaý oblysynan 2 qatysýshy qatysty. Olar «Meıramhana isi» quzyrettiligi boıynsha Mańǵystaý týrızm kolejiniń stýdenti Ýnaıbaev Renat jáne «Maılaý jáne bezendirý jumystary» quzyrettiligi boıynsha Jańaózen qyzmet kórsetý jáne jańa tehnologıalar kolejiniń stýdenti Turar Erdaýlet 2 oryn «Kúmis medal» ıegeri atandy. Al Qazaqstan 63 eldiń ishinde jalpykomandalyq esepte 14- oryndy ıelendi.           

Bul chempıonat jastarǵa ózderiniń sheberlikterin kásibı deńgeıde  kórsetip, bilimi men biliktiligi arqyly bolashaqta mamandyq tańdaýlaryna da úlken múmkindik bolmaq. Aıta keteıik kelesi chempıonat 2021 jyly Shanhaı qalasynda ótpek.