Mańǵystaý oblysynda kásipkerlerge arnalǵan «Sáttilik marafony» atty forým ótti. Tájirıbelik trenıń nátıjesinde kásipkerler bıznes-jospar jasap, óz ıdeıalaryn sarapshylardyń qoldaýymen naqty bızneske aınaldyrýǵa qadam jasady. Sondaı-aq, forým qatysýshylary startapty qalaı jyldam aqtaýǵa bolatyny jaıynda, salyqqa qatysty barlyq máselelerdi jáne nóldik búdjetpen marketıńtiń qandaı quraldaryn qoldanýǵa bolatyny týraly jan-jaqty maǵlumat ala aldy. Atalmysh joba Mańǵystaý oblysyndaǵy jańa bastaǵan kásipkerlerdiń ınovasıalyq jáne bıznes ıdeıalaryn qoldaýǵa, ári damytýǵa jasalǵan úlken múmkindik.

Mańǵystaý oblysynyń kásipkerlik jáne saýda basqarmasynyń basshysy Venera Turanqyzynyń aıtýynsha, osyndaı is-sharalar arqyly aımaqta kásipkerlikti damytý - aımaqtyń ekonomıkalyq áleýetiniń ósýine yqpal etedi jáne jergilikti bıznes-qaýymdastyq úshin jańa múmkindikter ashady.

«Shell Qazaqstan» áleýmettik máseleler jónindegi keńesshisi Juldyz Ǵalıakpar: Forýmnyń negizgi mindeti – burynnan kele jatqan jáne jańa bastaǵan kásipkerlerdiń ósýine múmkindik berý, olardy kásipkerliktiń ozyq daǵdylaryna úıretý ekenin atap ótti.

Qazaqstandaǵy EQDB SHOB qarjylandyrý jáne damytý baǵdarlamasynyń jetekshi menedjeri Alma Qasymova óz kásibin damytýdy qalaıtyn kásipkerlerge forým sheńberinde tanysatyn múmkindikter týraly aıtyp berdi. Mundaı qadam jınalǵan qaýym tarapynan qoldaý tapty. Olar kóptegen suraq qoıyp, bilikti mamandardan jaýap aldy.

Kásipkerlik salasyndaǵy sońǵy trendter týraly «Red Point Kazakhstan» marketıńtik komýnıkasıa servısiniń negizin qalaýshy Ásel Qojaqova, TopSales basshysy Ásem Kúzenbaeva, Qazaqstan kásipkerleri men býhgalterler qaýymdastyǵynyń prezıdenti Dmıtrıı Kazansev pen basqa spıkerler sóz qozǵady. «MIMIORIKI» balalar kıiminiń qazaqstandaǵy tuńǵysh brendiniń negizin qalaýshy Inna Apenko is-sharanyń hedlaıneri boldy.