«Jastar jyly» men «Rýhanı jańǵyrý» baǵdarlamasy aıasynda «Aq jol» QDP Mańǵystaý oblystyq fılıaly janyndaǵy «Aq jol-jastar» jastar qanatynyń uıymdastyrýymen Nur-Sultan qalasyndaǵy L.N. Gýmılev atyndaǵy Eýrazıa Ulttyq Ýnıversıtetinde Shotan batyr týraly derekti fılm kórsetildi dep jazady Qamshy.kz aqparat agenttigi. 

El basyna kún týǵan qıly kezeńderde elim, jerim dep ótken erler erjúrektilik pen qaısarlyqtyń, shydamdylyqtyń úlgisin kórsetip, keler urpaǵyna Táýelsizdikti tartý etti. Batyr babalarymyzdyń boıyna sińgen ulttyq rýh qarsy kelgen dushpanǵa qaımyqpaı qaraýǵa, jaýǵa qarsy turýǵa, ulan-ǵaıyr jerimizdi, elimizdiń tutastyǵyn qorǵaýǵa jiger berdi.
Jońǵarlarǵa qarsy shaıqasta jerdi bilektiń kúshimen, naızanyń ushymen qorǵap qalǵan erjúrek batyrlarymyzdyń ishinde Shotannyń esimi erekshe atalady. Sonymen qatar, osyndaı fılmder arqyly jastarǵa patrıottyq tárbıe berý. El aýzynda ańyz bop qalǵan Shotan batyr týraly derekti fılmniń avtory ári rejıseri jazýshy, halyqaralyq «Alash» ádebı syılyǵynyń laýreaty, halyqaralyq «Túrki álemi» telestýdıasynyń bas dırektory Doqtyrhan Turlybek.