Muny óńirlik komýnıkasıalar qyzmeti alańynda ótken brıfıńte Mańǵystaý oblysy ákiminiń orynbasary Baqytjan Qashaqov aıtty.

Bilim berý, áleýmettik sala jáne densaýlyq saqtaý nysandary – 100%, avtonomdyq qazandyqtar 90%, kóp qabatty turǵyn úıler 93%, jylý jelileri 96%, elektr jelileri 90%, sýmen jabdyqtaý jelileri 88,1% daıyn.

«MAEK-Qazatomónerkásip» JSHS energetıkalyq qural-jabdyqtaryn kúzgi-qysqy jylytý maýysyna daıyndaý boıynsha negizgi jumystar  kestege saı júrgizilýde. Bes táýlikke jetkilikti 5 myń tonna kólemindegi mazýttyń apattyq qory bar3 qazandyq agregattarynyń ekeýi aıaqtalyp, 1,5,12-qazandyqtyń jóndeý jumystary jeltoqsan aıynda aıaqtalady dep josparlanǵan.

-«Monopolıserdiń tarıfteri 5 jyl saıyn zań boıynsha ózgerip otyrady. MAEK kelesi jyldyń qańtar aıynan bastap jańa tarıfter ornatý kerek. Ornatar aldynda aldymen qoǵamdyq keńespen, halyqpen jıyndar ótkiziledi. Qazir olardyń ótinishteri qarastyrylyp jatyr. Kúrt ózgerip, halyqtyń jaǵdaıyn túsiretindeı máseleler bolmaıdy» -, dedi Baqytjan Qashaqov.

         -«MAEK-Qazatomónerkásip» JSHS-niń «QazTransGazAımaq» aldynda 3,2 mlrd teńge kólemindegi bereshek qaryzy 20-qazanǵa deıin jabylady. Al «ÓzenJylý» MKK-niń «QazTransGazAımaq» aldynda 380 mln teńge bereshek qaryzy bar. Jańaózen qalasynyń birqatar jastaryna Aqtaý qalasynan jumys berip, jataqhanaǵa ornalasý shyǵyndaryn qarjylandyrý maqsatynda osy jylǵa 236 mln teńge bólindi, sonyń 36 mln.teńge ıgerildi. Osy qarajattyń 150-200 mln.teńgesin «ÓzenJylý» mekemesine aýdarǵanda «QazTransGazAımaq» tyń qaryzy óteledi»,-dedi MO energetıka jáne turǵyn úı-kommýnaldyq sharýashylyq basqarmasynyń basshysy Jandos Sálimov.

         Aıta keteıik, Munaıly, Beıneý aýdandary men Jańaózen qalasy energoresýrs úshin bereshek qaryzdaryn óteý maqsatynda qosalqy stansıa MAEK menshigine ótkizý boıynsha is-shara jospary jasaqtalǵan.