Mańǵystaýda Ulttyq jol aktıvteri sapasy ortalyǵy 2019 jyldyń naýryz aıynda ashyldy. Atalǵan ortalyqtyń negizgi maqsaty – avtomobıl joldaryn baqylaýdy qamtamasyz etý. Jańadan qurylǵan mekemeniń mindeti – respýblıkalyq jáne aýdandyq mańyzy bar joldar men jumsalatyn materıaldardy qadaǵalaý, sapasy men negizgi jaǵdaıyn tekserý.

          -«Biz ýaqytyly basqarma ókilderine qaı jol qandaı jaǵdaıda, sapasy qandaı jóndelý jumystary qandaı barlyǵyn anyqtap aıtatyn bolamyz. Mysaly ózderińiz bilesizder Aqtaý - Jańaózen joldar qalaı jasalǵanyn. Dál sondaı júıeni biz aýdandarǵa da engizý basty mindetimiz bolyp otyr. Jol boıynsha qazir sheshilmegen másele kóp, sol sebepti de ákimshilikpen birge jumys jasaımyz. Endigi jerde jol qurylysy bastalmas buryn paıdalanylatyn qurylys materıaldary aldyn-ala tekseriletin bolady», - dedi «Ulttyq jol aktıvteri sapasy ortalyǵynyń» dırektory Turbek Spanov.

          Búginde bes deńgeıdegi sapany tekserip otyrý oblys kólemindegi respýblıkalyq jáne halyqaralyq mańyzy bar joldarǵa engizilip, óz jumystaryn atqarýda. Bolashaqta bul júıe qala jáne aýdanaralyq joldarǵa da engizilgeli otyr.