Bas prokýrordyń orynbasary Bolat Dembaev málimdeme jasady, - dep habarlaıdy Qamshy.kz aqparat agenttigi.

"Sot ekstremıstik dep tanyǵan "Qazaqstannyń demokratıalyq tańdaýy" uıymynyń áleýmettik jelilerdegi paraqshalarynda onyń jaqtastary 2019 jyly 26 qazanda kezekti zańsyz aksıaǵa qatysýǵa shaqyryp jatqany aıtylady", - delingen hatta.

Dembaevtyń óz málimdemesinde QDT músheleri asa aýyr qylmys jasap, shetelde jasyrynyp júrgenin aıtty. Olar halyqty zańsyz áreketterge ıtermeleıdi, bul adamdardyń qaýipsizdigine, olardyń ómiri men densaýlyǵyna, múlkine qaýip tóndiredi, qoǵamnyń qalypty tirshiligin buzady.

"Ekstremızmge qarsy is-qımyl týraly" Zańnyń 13-babyna sáıkes beıbit jınalystar, mıtıńiler, sherýler, pıketter jáne demonstrasıalar ótkizgen kezde olarǵa qatysý úshin ekstremıstik uıymdardy tartýǵa, olardyń nyshandaryn paıdalanýǵa, sondaı-aq ekstremıstik materıaldardy taratýǵa jol berilmeıdi. Osyǵan baılanysty memlekettik organdar zańda belgilengen tártippen sanksıalanbaǵan narazylyq aksıalaryn uıymdastyrýshylar men qatysýshylarǵa qatań sharalar qabyldaıdy", - dep atap ótti bas prokýrordyń orynbasary.

Quqyq buzýshylar zańsyz aksıalarǵa qatysqany rastalǵan jaǵdaıda, olar Qazaqstan Respýblıkasynyń Ákimshilik quqyq buzýshylyq týraly kodeksiniń 488-baby boıynsha jaýapkershilikke tartylady (50 AEK-ge deıin aıyppul salynady, 15 táýlikke deıin qamaýǵa alynady). "Bas prokýratýra turǵyndardy arandatýshylyqqa boı aldyrmaýǵa jáne ekstremıstik uıymdardyń zańsyz aksıalaryna qatysýdan bas tartýǵa shaqyrady", - delingen habarlamada