Halyq ártisi Asanáli Áshimov shákirtterinen quralǵan «Jańa ǵasyr» teatry el aralaýǵa shyqty. Bul týraly Mańǵystaý oblysynyń Óńirlik kommnýıkasıalar qymzeti alańynda ótken brıfıńte teatr jetekshisi Talǵat Kýbekov málimedi.

«Teatr árýaqytta halyqpen teatr. Qurylǵanyna 1 jyl tolǵan «Jańa ǵasyr» teatrynyń alǵashqy is-saparyn 362 áýlıe meken etken kıeli Mańǵystaý óńirinen bastaǵandy jón kórdik. Maqsatymyz - jas talanttardy halyqpen tanystyryp, elge kórsetý»,- dedi Qazaqstannyń halyq ártisi Asanáli Áshimov.

Jas teatrdyń bir ereksheligi – mundaǵy 27 ártistiń barlyǵy bir oqý ornynda, bir fakúltette birge oqyǵan kýrstastar. Qoıylymdaryn ózderi jazyp, ózderi qoıyp, ózderi oınap shyǵady. Bıyl ǵana qurylǵan ujym az ýaqytta qorjynyn 10 spektáklmen toltyryp úlgergen. Kastúm, rejıser drammatýrg akterlar da óz ishinde. Búgin N. Jantórın sahnasynda jas akter Eldar Tashkenbaıdyń shyǵarmasynan alynǵan «Sońǵy qońyraý» poetıkalyq komedıasyn kórermenge usynbaq.

«Qazir 21-ǵasyr ǵoı. Búgingi kórermenniń kózqarasy bólek, oıy bólek. Soǵan laıyqty, soǵan saı shamamyz kelgenshe tyrysyp jatyrmyz.  Jańashyl bir jol izdep, án, bı keıin akterlerdiń ról somdaý ádisterine de ózgerister engizdik», - dedi «Jańa ǵasyr» teatrynyń kórkemdik jetekshisi Talǵat Kýbekov.

Kórermenderin jańa qoıylymmen qýantýǵa asyqqan «JAŃA ǴASYR» teatry 17- qazan kúni, saǵat 12:00 de «Arystan patsha» múzıklin, saǵat 19:00 de «Aılaker jesir» komedıasyn sahnalaıdy.  Aıta keteıik alǵashqy is-saparyn Mańǵystaý óńirinen bastaǵan teatr ujymynyń kelesi gastróldik sapary Atyraý, Aqtóbe, Oral, Qyzylorda oblysynda jalǵasatyn bolady.