Aqtaý qalasyndaǵy Nazarbaev Zıatkerlik mektebiniń 7 synyp oqýshylaryna "Shańyraq" qoǵamdyq qory qonaqqa keldi. Qor ókilderi balalarǵa shoqqa taba nan pisirýdi, qurt daıyndaýdy, samaýrynǵa shaı qaınatýdy kórsetti.

- Bizdiń basty maqsatymyz ósipk ele jatqan óskeleń urpaqqa qazaqtyń dástúrli turmys-tirshiligin kórsetip, tanystyryp, kórsetý boldy. Bul balalardyń rýhanı turǵydan baıyp, qazaqtyń saltyn bilip júrýge, bolashaqta ustanýyna septigin tıgizedi degen oıdamyz, - deıdi qor jetekshisi Rysgúl Igilikova.

Qor ókilderi mektep alańyna oshaq qazyp, qıdan shoq daıyndap taba nandy pisirý jolyn kórsetti. Sonymen qatar, qurtty túıýdi kórsetip, onyń túrleri jaıly baıandady.

Óz kezeginde zıatkerler qor múshelerine alǵys bildirip, qara jorǵa bıin top bolyp bılep berdi.