Qazaqstan ulttyq arnasyndaǵy «Ashyq alań» baǵdarlamasynda prodúser, jýrnalıs Jangeldi Tańatbekuly «30 jasqa deıin úı almaǵan qazaq sýyrdan tómen» dep málimdeme jasaǵan bıznes-trener Ahmetbek Nursılany tikeleı efırde qatty synǵa aldy, dep jazady Qamshy.kz aqparat agenttigi.

Ahmetbek Nursılanyń bul sózi kópshiliktiń qyzý talqysyna túsip, jurttyń narazylyǵyn týdyrǵan. Jýrnalıs Asqat Sadyrbaıǵa bergen shýly suhbatynda bıznes-trener: «Bizdiń elde úısiz káris, ne orys joq. Baspanasyz tek qazaqtar» degen pikirine Jangeldi Tańatbekuly: «Qazaqtan jeksuryn jasaýdy qoıý kerek. Árıne siz úısiz kárispen orysty kórmeısiz, sebebi bul Qazaqstan. Munda qazaq kóp, siz Reseıden úısiz qazaq izdemeısiz ǵoı, myna isińiz shóp arasynan ıne izdegenmen birdeı",-dep jaýap berdi.

Jýrnalıs bıznes-trenerdiń bul sózin jigerlendirý emes, jer etý, ulttyń namysyna tıý ekenin atap ótti.

Sondaı-aq, jýrnalıs baǵdarlama barysynda qazaqty jalqaý dep sókken Omar Jálelge de shúılikti. Onyń pikirinshe, qazaqtyń tek jaman tustaryn kórip, ony betine basyp, keri tarta bergendi qoıý kerek. Baǵdarlama barysynda Abaıtanýshynyń sózinen qaıtyp, jýrnalıstiń pikirin maquldaǵany baıqaldy.

Daý týdyrǵan baǵdarlamanyń bul jolǵy shyǵarylymy qarjylyq saýattylyq taqyrybynda ótken.

 

 

 

Posmotret etý pýblıkasıý v Instagram

Keshe "Ashyq alań" baǵdarlamasynda tikeleı efırde qazaqty sýyrǵa teńep, tipti odan da tómen desken Ahmetbek Nursılamen tildestim. Daıyndyqsyz baryp edim, oıym shashyrap ketti. Aıtqanym: "Qazaqtan sumyraı, jalqaý jasaǵandy qoıý kerek!"

Pýblıkasıa ot ????????? ??????????? (@zhankeldi_tanatbekuly) 22 Noıa 2019 v 7:34 PST