Osy ýaqytqa deıin Bilim jáne ǵylym mınıstrligi elimizdegi 5 joǵary oqý ornynyń jumysy toqtatylǵany týraly jurtshylyqty habardar etkeni belgili. Alaıda qandaı joǵary oqý oryndary, ol týraly ashyq aıtylǵan joq.

Sonymen, ol qandaı ýnıversıtetter?

1. Shymkenttegi aımaqtyq áleýmettik-ınnovasıalyq ýnıversıtet;
2. Pavlodar Eýrazıa ınovasıalyq ýnıversıteti;
3. «Almaty» ýnıversıteti;
4. Óskemen Qazaqstan- Amerıkalyq erkin ýnıversıteti;
5. Aqtóbe halyqaralyq qazaq-orys ýnıversıteti.

Bilim jáne ǵylym mınıstrliginiń ókilderi aıtyp ótkendeı, keń aýqymdy tekserý nátıjesinde atalǵan joǵary oqý oryndarynda kóptegen zań buzýshylyqtar oryn alǵan. Osyǵan baılanysty olardyń lısenzıalary bir aıǵa toqtatylǵan. Jalpy mınıstrliktiń baspasóz qyzmeti atap ótkendeı, elimizdegi 13 joǵary oqý orny keń túrde tekserilgen. Olardyń ishinde olqylyqtardy ornyna keltirmegeni úshin, qaıta tekserý barysynda joǵary attary atalǵan bes ýnıversıtettiń lısenzıasy bir aıǵa toqtatyldy. Odan basqa 12 joǵary oqý ornyna aıyppul salyndy, olardyń ishinde bir ýnıversıtetke qatysty is sotqa jiberildi.

Shyn máninde qazirgi ýaqytta Qazaqstanda jeke menshik joǵary oqý oryndary óte kóp. Sondaı-aq pedagogtar daıarlaıtyn oqý oryndary da kóbeıip ketti. Bir ǵana mysal, elimizde muǵalimder daıarlaıtyn 85 joǵary oqý oryndary bar eken. Tipti keıbir oqý oryndary muǵalimdik mamandyqqa 100 stýdent qabyldasa, bitirer kezde olardyń sany 800-ge jetken derek de ushyrasqan. Sondyqtan  mınıstr Aımaǵambetov muǵalimder daıyndaıtyn oqý ornynyń sanyn 85-ten 25-ke deıin qysqartýdy kózdep otyr.