2019 jylǵy 20 qarashada Shyǵys Qazaqstan oblysynyń Qorǵanys isteri jónindegi departamenti «Progres katalızatory» jeke qorymen jáne SHQO İshki saıasat basqarmasymen birlese otyryp, Shyǵys Qazaqstan oblysynyń 19 qalasy men aýdanynda taktıkalyq daıyndyq boıynsha áskerı-patrıottyq klýbtar men «Jas sarbaz» mamandandyrylǵan synyptarynyń ókilderine arnalǵan sheberlik synyptaryn ótkizdi. İs-shara óskeleń urpaqtyń boıyna joǵary azamattyq belsendilikti, otansúıgishtik sezimin sińirýge, rýhanı-adamgershilik qundylyqtaryn damytýǵa, tulǵany   qalyptastyrýǵa jáne Otan aldyndaǵy jaýapkershilikti oıatýǵa, salaýatty ómir saltyn jáne jastar arasynda dene shynyqtyrý mádenıetin, sporttyń áskerı-qoldanbaly túrlerin nasıhattaýǵa baǵyttaldy.

İs-sharanyń uıymdastyrýshylary kelesideı mindetterdi sheshýdi alǵa qoıdy:

1. Adamgershilik jáne patrıottyq tárbıeleý salasyndaǵy memlekettik jastar saıasatyn júzege asyrý;
2. Jastardy áskerı qyzmetke daıyndaýǵa yqpaldasý;
3. Sporttyń tehnıkalyq jáne áskerı-qoldanbaly túrlerin damytý;
4. Zıatkerlik jáne fızıkalyq belsendiligin damytý;
5. Qazaqstannyń áskerı-tarıhı murasyn zerdeleý jáne saqtaý;
6. Jastarǵa áskerı-patrıottyq tárbıe berý boıynsha jappaı aǵartýshylyq jumysty uıymdastyrý.

İs-sharanyń birinshi bóliminde qatysýshylarǵa avtomat bólikteriniń qurylysy jáne onyń jumys isteý mehanızmi, jappaı zaqymdaý quraldarynan qorǵanýdyń ádis-tásilderi boıynsha teorıalyq bilim berildi. Ekinshi bólimde qatysýshylar avtomatpen atý kezinde deneni durys ustaý, jatyp atý kezindegi sarbazdyń ózin durys ustaýdy úırendi. Gaztutqyshty jáne jalpy áskerı qorǵanys komplektisin kıý, sonymen qatar avtomatty jartylaı bólshekteý jáne jınaý boıynsha sheberlik-synyptary ótkizildi.

Jastarǵa áskerı-patrıottyq tárbıe berý – kez-kelgen memlekettiń aldynda kese-kóldeneń turǵan basty mindetterdiń biri. Sondyqtan osy tektes is-sharalar jaı ǵana álemdik trend emes, sonymen qatar «patrıot» degendi jaı sóz retinde ǵana emes, óz elin órkendetýge bastaıtyn  tereń maǵynaly uǵym retinde sanaıtyn jas urpaqty  tárbıeleýdiń bir quraly bolyp tabylady.