Sharanyń maqsaty ǵasyrlar boıy úzilmeı kele jatqan baılanysty odan ári nyǵaıtý jáne baýyrlas eki el arasyndaǵy dostyq qarym-qatynasty, baýyrlas halyqtarymyzdyń jaqyndastyǵyn odan ári tereńdetý.
20 qarasha kúni Mańǵystaýlyq ónerpazdar Hıýa qalasyna bardy. Hıýa qalasyndaǵy Beket ata Myrzaǵululy oqyǵan medreseni, birneshe tarıhı oryndardy aralady.

21 qarasha kúni Murat Óskinbaev atyndaǵy Mańǵystaý oblystyq fılarmonıasynyń bir top ártisteri Úrgenish qalasyndaǵy kolej jáne mektep oqýshylaryna vokal, dombyra-tenor, horeografıa ónerinen master klastar ótkizdi.

Mádenı sharalar aıasynda Á.Kekilbaıuly atyndaǵy Mańǵystaý oblystyq tarıhı-ólketaný mýzeıi «Uly dala muralary» fotokórmesin usyndy. Kórmede Qazaqstannyń tańǵajaıyp tabıǵaty jáne kórneki jerleri beınelengen.

Kórmege barlyǵy 32 fotojumys qoıyldy, sýretterde Mańǵystaýdyń tabıǵı landshafttary, Qazaqstan tabıǵatynyń keremet kórinisteri jáne Otanymyzdyń júregi – Elbasnyń biregeı ıdeıasynyń jemisi – Astana qalasynyń kórinisteri kórsetildi.

Sonymen qatar, «Mańǵystaý memlekettik tarıhı-mádenı qoryǵy» Elbasy N.Á. Nazarbaevtyń «Bolashaqqa baǵdar: Rýhanıjańǵyrý» memlekettik baǵdarlamasy jáne «Uly dalanyń jeti qyry» aıasynda «Mańǵystaý – ashyq aspan astyndaǵy murajaı» kórmesin usyndy. Kórmede Qazaqstanda teńdesi joq, óńirimizdiń biregeı, ári baı arheologıasy, shól dalada ornalasqan kasıetti nysandary men dinı-sáýlet eskertkishteri, «Uly dalanyń jeti qyry» atanǵan qazaq halqyna tán «Atqa miný» mádenıeti beınelengen.

Kórme 3 stendten turady:
1. Uly dalanyń jeti qyry.
2. Dinı-sáýlet eskertkishteri.
3. Arheologıa eskertkishteri.

Kórme sońy «Biz shyrqaımyz dostyq ánin!» atty Murat Óskinbaev atyndaǵy Mańǵystaý oblystyq fılarmonıasynyń «Aqjarma» fólklorlyq ansambliniń konsertine ulasty.