Óskemen qalasynda «Jergilikti jerde jastar saıasatyn júzege asyrýdy baǵalaý jáne monıtorıń júrgizý» trenıńi ótkizildi.

Trenıń «Katalızator progresi» jeke qorymen Shyǵys Qazaqstan oblysynyń İshki ister basqarmasynyń memlekettik tapsyrysy aıasynda uıymdastyryldy.

Semınarda qalalyq jáne aýdandyq jastar resýrstyq ortalyqtary qyzmetkerleri, jastar uıymdarynyń ókilderi jáne aktıvıser qatysty.

Trenıńti júrgizýge «Jastar» ǵylymı zertteý ortalyǵy janyndaǵy Ulttyq trenerler pýlynyń sertıfıkattalǵan trenerleri shaqyryldy:

- Ýzarova Lýıza Magamedovna, «Jastar» ǴZO dırektory;

- Syzdykova Aıda Amanovna, «Jastar» ǴZO jastar arasynda «Rýhanı jańǵyrý» qundylyqtaryn engizý ortalyǵynyń jetekshi sarapshysy.

Trenıń baǵdarlamasy jastarmen jumys jasaıtyn mamandardyń biliktiligin arttyrýǵa, jastar saıasaty salasyndaǵy ınstıtýttardyń birigip jumys isteýine jaǵdaı jasaýǵa jáne jastar ortasyndaǵy ózin-ózi basqarý úderisterin belsendi qylýǵa baǵyttalǵan. Trenerler qatysýshylardy memlekettik jastar saıasatynyń uǵymdyq órisimen, Qazaqstandaǵy jas azamattyń beınesimen, jastar saıasatynyń ındıkatorlary, jastar belsendiligin yntalandyrý ádisteri jáne jastarmen jumystyń qaǵıdalarymen tanystyrdy. Sonymen qatar jastar saıasatynyń suranymdaryn baǵalaý men jastarmen tıimdi qarym-qatynas ornatý joldary týraly bilim berdi.

Oqý baǵdarlamasy aıasynda toppen formaldy emes jumys jasaldy. Al jumys bilimdi arnaıy jattyǵýlar men beıresmı bilim berýdiń tehnıkalary kómegimen empırıkalyq tájirıbe arqyly alýǵa baǵyttalǵan.