Eńbek jáne halyqty áleýmettik qorǵaý mınıstri Birjan Nurymbetov ushaq apatynan zardap shekkenderge ótemaqynyń qalaı tólenetini týraly aıtty dep jazady Qamshy.kz aqparat agenttigi. 

–Ótemaqy ushaq apatynan qaıtys bolǵan azamattarǵa ǵana tólenedi. Al oqıǵa sol aımaqta bolǵandyqtan zardap shekkender men jaraqat alǵandarǵa kómek berýdi jergilikti bılik atap aıtqanda, Almaty qalasy men Almaty oblysynyń ákimshiligi sheshedi. Al úkimettik deńgeıdegi ótemaqy tek apattan qaıtys bolǵandarǵa ǵana beriledi. Al bul ótemaqyny berý tetigi qalaı júzege asady? Ushaq apatynan qaza tapqandarǵa beriletin ótemaqy aldymen Eńbek jáne halyqty áleýmettik qorǵaý mınıstrligine beriledi. Odan keıin mınıstrlik qaza tapqan otbasylardyń jeke esepshotyna qarjyny jaqyn ýaqytta aýdararydy, –dedi Eńbek jáne halyqty áleýmettik qorǵaý mınıstri Birjan Nurymbetov.  

Eskerte keteıik, 27 jeltoqsan kúni tańerteń Almaty áýejaıy mańyna Bek Air áýe kompanıasynyń Fokker-100 ushaǵy qulady. Almaty áýejaıy baspasóz qyzmetiniń habarlaýynsha, ushaqta 93 jolaýshy men bes ekıpaj múshesi bolǵan. Resmı oryndardyń deregin negizge alǵan birqatar BAQ bastapqyda 15 adamnyń qaza tapqanyn habarlaǵan edi. Keıinirek premer-mınıstrdiń orynbasary Roman Sklár ushaq apatynan 12 adamnyń qaza bolǵanyn málimdedi.