Demokratıalyq partıa shaqyrǵan mıtıń aldynda Almatyda azamattardy ustaý jalǵasyp jatyr. Polısıa men arnaıy jasaq Tóle bı men Abylaı han kósheleriniń qıylysyndaǵy "Astana" alańyn qorshaýǵa alyp, saǵat 11.00-ge josparlanǵan mıtıńige kelip jatqandardy jappaı ustaýda.

Polısıa kóshede júrgen azamattardy basqa jaqpen aınalyp júrýin surap, alańǵa kirgizer emes.

Jýrnalıserdiń qujattaryn tekserip, qyzmettik kýálik pen jeke kýálikterin sýretke túsirip alyp jatyr.

Oqıǵa ornynda júrgen Qamshy tilshisiniń habarlaýynsha, polısıa saǵat 10.00-den beri ondaǵan azamatty ustaǵan.  Oǵan deıin Vlast.kz saıty 70-ke jýyq Demokaratıalyq partıa belsendilerin "Astana" alańyna barar jolda ustap alyp ketkenin habarlady. 

Buǵan deıin, 20 aqpanda Demokratıalyq partıanyń bastamashyl top jetekshisi,  opozısıadaǵy saıasatker Janbolat Mamaı azamattardy 22 aqpan kúni Almatydaǵy "Astana" alańyna mıtıńige kelýge shaqyrǵan bolatyn. Ony polısıa 21 aqpan kúni "Dempartıa" belsendilerniń biri Janbol Rahmatýlaevtyń Qaskeleń qalasyndaǵy Qarasaı aýdanydyq sotyna barǵan kezde ustap, Qarasaı aýdandyq ishki ister bólimine jetkizgen. Búgin tańerteń Mamaıdyń "ruqsat etilmegen mıtıńige shaqyrdy" degen aıyppen úsh táýlikke qamalǵany belgili boldy.

31 jastaǵy Janbolat Mamaı Qazaqstanda oppozıalyq belsendi, táýelsiz jýrnalıs retinde tanymal. Ol 2017 jyly "Muhtar Áblázovtyń qarjysyn gazet arqyly zańdastyrǵan" degen aıyppen úsh jyl merzimge shartty jazaǵa kesilip, sot onyń úsh jyl jýrnalısik qyzmetpen aınalysýyna tyıym salǵan edi. Mamaı qazir probasıalyq baqylaýda. 

Ótken jyldyń qazan aıynda Mamaı bastaǵan bir top belsendi bılikke oppozıasıa retinde "Demokratıalyq partıa" quratyndaryn málimdegen. 2019 jyly 26 jeltoqsanda Ádilet mınıstrligi bastamashyl topty tirkegen. Keıin Mamaı 22 aqpanda Almatyda "Dempartıanyń" quryltaıyn ótkizetinin habarlaǵan.​

Al osy jyly 19 aqpanda "Dempartıanyń" bastamashyl toby Almatyda baspasóz máslıhatyn ótkizip, partıa jaqtastaryna qysym jasalyp jatqandyqtan  22 aqpanǵa josparlanǵan josparlanǵan quryltaı ótpeıtinin, onyń ornyna "mıtıńige shyǵatyndaryn" málimdegen bolatyn.