Búgin, 22 aqpanda Demokratıalyq partıa shaqyrǵan mıtıńige kelgen belsendilerdiń sońǵy shoǵyryn polısıa "Astana" alańynan ustap alyp ketti. 

Qamshy tilshisiniń habarlaýynsha, mıtıńige jınalǵan 15-ke jýyq belsendi "Astana" alańyndaǵy Mánshúk Mámetova, Álıa Moldaǵulova eskertkishiniń aldynda óz narazylyqtaryn aıtty. Olar Janbolat Mamaıdy bosatýyn talap etip, saıası kúres jolyn toqtatpaıtynyn málim etti. Dempartıa qurý boıynsha yntaly top jetekshisi Janbolat Mamaı abaqtydan shyqqan soń partıany tirkeý jumystary jalǵasady dedi.

Almaty qalasy ákimdiginiń qyzmetkerleri men prokýratýra ókilderi olardan bul jıyndary zańsyz ekenin aıtyp, taraýǵa shaqyrdy.

Odan keıin polısıa belsendilerdi jappaı ustap, kólikke tıep alyp ketti. Olardyń arasynda "Demokratıa" bastamashyl tobynyń jetekshisi, opozısıalyq saıasatker Janbolat Mamaıdyń áıeli, "Jas Alash" gazetiniń bas redaktory Inga Imanbaı, "Dempartıa" bastamashyl tobynyń negizgi múshesi, saıasatker Tólegen Júkeev te bar. 

Osydan eki kún buryn, 20 aqpanda "Dempartıa" bastamashyl tobynyń jetekshisi Janbolat Mamaı azmattardy 22 aqpan kúni saǵat 11.00-de "Astana" alańyna kelýge shaqyrǵan. Biraq keshe, 22 aqpan kúni keshke qaraı Janbolat Mamaıdy Qaskeleń qalasynda polısıa ustap, Qarasaı aýdandyq ishki ister bólimine jetkizgen. Búgin tańǵy beste onyń "mıtıńige shaqyrdy" degen aıyppen úsh táýlikke qamalǵany belgili boldy. 

Mamaıdy bostatýdy talyp etip, ashtyq jarıalaǵan azamattar da búgin tańǵy 9.30-da ustaldy. 

Sońǵy jyldary Qazaqstanda bılikke qarsy aksıalar men mıtıńiler jıi bolyp júr. Mundaı qarsylyq jıyndaryna kóbine Fransıada turyp jatqan eks-bankır Muhtar Áblázov shaqyrady.