Almatyda karantın rejımi kúsheıtilgeli polısıa qyzmeti burynǵydan da qaýyrt jumys tártibine kóshken. Búginde 1500-ge jýyq polısıa men áskerı qyzmetshi qaladaǵy shekteýlerdiń saqtalýyn qadaǵalaýda.

Polısıa kóshede beısaýyt júrgen azamattar men kólikterdiń árqaısysyn tekserip, júrýge ruhsaty bar-joǵyn anyqtap jatyr. Ruhsatsyz júrgen azamattarǵa eskertý jasalyp, keleside ákimshilik quqyq buzýshylyq tártibi boıynsha shara qoldanylatynyn túsindirýde.

Qamshy tilshisine pikir bildirgen patrúldik polısıa qyzmetkeri qoǵamdyq tártippen qatar halyq arasynda túsindirý jáne keńes berý jumystary júrgizilip jatqanyn aıtty.

– Azamattar arasynda qoǵamǵa tónip turǵan qaýipti áli de eskermeı, túrli máselelerdi syltaýratyp qajetsiz syrtqa shyǵatyndar, osylaısha tótenshe jaǵdaı jáne karantın erejelerin elemeıtinder bar, – deıdi Abaı dańǵylynda kezekshilikte turǵan polısıa qyzmetkeri.

Ázirge mundaı azamattarǵa eskertý jasalýda. Tártip buzýshylyq qaıtalansa, zań talabyna saı naqty shara qoldanylady.

Búgingi kúnniń nátıjesinde ishki posttardaǵy túsindirý jumystary aıasynda eki myń avtokólik júrgizýshisi men 350-ge jýyq azamatpen áńgime júrgizilgen.

Qamshy tilshisileri qaladaǵy tótenshe jaǵdaı tártibin qamtamasyz etip jatqan polısıa qyzmetkerleriniń jumysynan aldaǵy ýaqytta da reportaj beredi.