Búgin Prezıdent janyndaǵy Ortalyq komýnıkasıalar qyzmetinde ótken brıfıńte Bas múftı Naýryzbaı qajy Taǵanuly karantın kezinde kimderge oraza ustamasa bolatynyn málimdedi. 

– Sharıǵat boıynsha balıǵatqa tolǵan, aqyl-esi durys árbir musylmanǵa Ramazan aıynda oraza ustaý – paryz. Alaıda jolaýshylarǵa, syrqattanǵan nemese densaýlyǵy nashar adamdar aýrýynyń asqynýynan qaýiptense jáne senimdi dáriger uzaq ýaqyt boıy ashyǵýdan densaýlyǵy kúrt nasharlap ketýi múmkin degen sheshim qabyldasa, sondaı-aq júkti nemese omyraýda balasy bar áıelderge oraza tutýdy keıinge qaldyrýǵa sharıǵat ruqsat beredi, – dedi QMDB Tóraǵasy Naýryzbaı qajy Taǵanuly.

Sondaı-aq karantın kezinde jıylyp aýyzashar berýge, meshitterde jamaǵatpen taraýyq namazyn oqýǵa tyıym salyndy.