Kovıd-19 pandemıasy jáne AQSH – Qytaı arasyndaǵy qaıshylyqtardyń kúsheıýi saldarynan amerıka joǵary oqý oryndary 15 mlrd dollar tabysynan  aıyrylmaq. Bul týraly Qamshy tilshisi SCMP-ǵa silteme jasap habarlaıdy. 

185-ten astam elge taralǵan, 2,6 mıllıonnan astam adam juqtyrǵan jáne álem boıynsha 180 000-nan astam adamnyń ómirin qıǵan aýrý álemge buryn-sońdy bolmaǵan zalal ákeldi.

– Shekaralar jabylǵan, halyqaralyq saparlar shektelýde. Amerıka ýnıversıtetteri úshin Qytaı stýdentteriniń joǵary bilimge degen suranysy 2020-2021 oqý jylynda qatty tómendeıdi, – dep habarlady AQSH – Qytaı ekonomıkalyq jáne qaýipsizdik saraptamalyq komısıasynyń seısenbide jarıalanǵan pandemıanyń ekonomıkalyq áserleri týraly kongrestegi baıandamasynda.

Esep Qytaıda bolatyn AQSH-qa túsý emtıhandarynyń keshigýi nemese kúshinen qaldyrylýy, jol júrýge belgisiz shekteýler jáne AQSH kolejderiniń  qashan ashylatyny týraly belgisizdik sıaqty kóptegen máselelerdi anyqtady. Munyń saldary aýyr bolýy múmkin. Al, AQSH ýnıversıtetterine tólenetin tólemderdiń úshten bir bóligi sheteldik stýdentterden túsedi. Amerıkada oqıtyn qytaı stýdentterinen AQSH ýnıversıtetterine jylyna 15 mıllıard AQSH dollary tabys túsetin kórinedi.