Soltústik Koreıa qarýly shabýyldarǵa daıyndalatyn negizgi kúshteriniń jattyǵýlaryn arttyra tústi, – dep jarıalady Ońtústik Koreıanyń qorǵanys mınıstri. Bul týraly Qamshy tilshisi The New York Times Post basylymyna silteme jasap habarlaıdy.

Kım Chen Yn eli jaqynda osyndaı belsendilikti, sonyń ishinde áýe kúshteriniń ushý jattyǵýlaryn kúsheıte túsken.

– Soltústik Koreıa kóbinese artılerıalyq jáne áýe kúshteri ushaqtarynyń jaýyngerlik daıarlyǵy úshin ınspeksıalyq is-áreketterdi kúsheıte tústi, – dedi Ońtústik Koreıa áskerı ókili.

The New York Times Post-tyń jazýynsha, Soltústik Koreıa beıbit kelissóz júrgizýlerden bas tartyp, kerisinshe, qarý-jaraqtaryn synaýdy kúsheıtip jatqan kórinedi.

Ótken aptada áskerı kúshter shyǵys jaǵalaýda kemeden-kemege baǵyttalǵan krýızdik zymyrandardy atqan.

Sol kúni soǵys ushaqtary men MıG tıpti ushaqtar Vonsan qalasynyń áýe keńistiginde ushyrylǵan.

Shyǵys teńizge birneshe zymyran atylǵan.

Soltústik Koreıa basshysynyń tosynnan joǵalyp ketýine tuspa-tus kelgen Phenánnyń bul áreketi Seýldi alańdatyp jatqan kórinedi.

Aıta keteıik, buǵan deıin Kım Chen Yn júrek otasynan kóz jumǵany jaıynda aqparat paıda boldy. Kóp uzamaı, onyń otbasylyq poıyzynyń spýtnıktik sýreti jarıalandy. Keshe Qytaı medısınalyq tobynyń Soltústik Koreıa astanasy Phenánǵa jiberilgenin habarlaǵan bolatynbyz. Sonymen birge, Kım Chen Ynnyń ómirine úlken qaýip tónip turǵanyn, onyń ornyna qaryndasynyń kelýi múmkin ekenin jáne Soltústik Koreıa basshysynyń ólimi ıadrolyq soǵys qaýpin týdyratynyn habarlaǵanbyz.