Qoljetimdi turǵyn úı qurylysy ekonomıkany damytyp, jumyspen qamtý deńgeıin kóterýge jáne áleýmettik qoldaý faktoryna aınalady. Bul týraly prezıdent Q.Toqaev tótenshe jaǵdaı rejımin qamtamasyz etý jónindegi memlekettik komısıanyń qorytyndy otyrysynda aıtty.

– Elbasy bastamasymen júzege asqan 7-20-25 baǵdarlamasy ıpoteka boıynsha nesıeleý men turǵyn úı qurylysyna úlken serpin berdi. Úı kezeginde turǵandardyń máselesin sheshý úshin jańa joba – 5-10-20 baǵdarlamasyn iske qosýdy tapsyramyn. Bul maqsat úshin 390 mlrd teńge bólemiz. Bıyl qurylys kólimin rekordtyq deńgeıge jetkizý josparlanǵan. 15 mln sharshy metr nemese 150 myń páter men úı turǵyzylady, – dedi prezıdent.

Toqaev turǵyndardyń baspana máselesin sheshýdiń mańyzdy ekenin atap ótip, ınstıtýsıonaldyq qurylymdy jańartý qajettigine nazar aýdardy.

Sondaı-aq prezıdent úkimetke jyl sońyna deıin Turǵynúı qurylys jınaq bankiniń negizinde "Otbasy bank" dep atalatyn damý men qoldaýdyń tolyqqandy ınstıtýtyn qurýdy tapsyrdy. Uıym esep júrgizý, taǵaıyndaý, bapanany úlestirýmen aınalysady.