Qazaqstan musylmandary dinı basqarmasy Ramazan aıynyń sońǵy kúnderinde  barynsha saýapqa qol jetkizip, sol kúnderdiń berekesin jyl boıy saqtap qalýdyń birneshe joldaryn aıtyp ótpekpiz. 

1. Súıikti serıaldy óshirý Ramazan aıynyń sońǵy on kúni - kógildir ekrannan bas tartyp, teledıdar púltin alystaý jerge qoıyp qoıýdyń eń tıimdi ýaqyty.

2. Ǵalamtordan bas tartý Qasıetti aıdyń altyn ýaqytyn ǵalamtor betterinde ótkizbegen jón.

3. Qulshylyqty arttyrý Ramazan aıynyń aıaǵynda kópshiligimiz sharshańqyrap qalamyz. Bálkim, bul álsizdikke sebep bolǵan rejımniń buzylýy men ashtyq sezimderi bolar. Qalaı bolǵanda da, bizdiń yqylasymyz álsireıdi, biraq oǵan jol berýge bolmaıdy. 

4. Úı sharýasyn jeńildetý Bul aıdyń sońǵy kúnderi ýaqytty úı qurylysyna arnamaǵan abzal. Negizinde, úıdiń aýasyn jańartyp, úıge merekelik atmosferany Ramazan aıy kirmes buryn jasaǵan jón. 

5. Dúkende kezekte turmaý Aıt kúnderi otbasymyzdy, jaqyndarymyzdy qýantý - durys. Alaıda, orazanyń sońǵy kúnderinde "syılyq alamyn" dep kóp ýaqytty zaıa ketirý orynsyz sheshim. 

6. Ysyrap jasaýdan bas tartý   Áıelder qaýymy aıt kúnine eki-úsh kún qalǵanda, tipti bir apta qalǵanda azyq-túlik tizimin jasaýdy bastaıtyny anyq. Bul jaqsy. Degenmen, aspazdyq shabyttyń shekten shyǵyp ketpegenin qadaǵalaǵan abzal.

7. Keshirim suraý Oraza kezinde "keshirim suraý kerek, týystarmen qarym-qatynasty jaqsartý kerek, otbasylyq ómirime jylýlyqty qaıtarýym kerek" dep júrgen bolarsyz. Qasıetti aıdyń sońǵy on kúni osy oılardyń júzege asýyna taptyrmaıtyn sát.

8. Maqsattardy iske asyrý Ramazan aıynyń sońǵy on kúni quran oqý, namaz bastaý, ýádege berik bolý, ata-anańyzǵa kúnde habarlasý sıaqty amaldardy oryndaýdyń, alǵa qoıǵan maqsattaryńyzǵa jetýdiń taptyrmas ýaqyty.

9. Duǵa tileý Eń sońǵy kúnge deıin, saǵatqa, tipti mınýtqa deıin Alla Taǵaladan júregimizdi mazalaǵan ýaıymymyzdy jeńildet dep, Ózine aparar joldy kórsetýin, kúnámizdi keshirip, jaqyndarymyzdy jánnatpen súıinshileýin suraýǵa tıispiz. 

10. Jomarttyq tanytý:  Bul – ramazan aıynyń mańyzdy súnneti, sebebi, Paıǵambarymyz (oǵan Allanyń salaýaty men sálemi bolsyn) osy ýaqytta erekshe jomartyq tanytqany belgili. Imam án-Naýaýı: