Koronavırýs juqtyrǵan 58 naýqastyń jaǵdaıy aýyr. Bul týraly QR Densaýlyq saqtaý mınıstri Eljan Birtanov habarlady. 

"Ózderińiz biletindeı, keshe koronavırýs jaǵdaıyna baılanysty Úkimette vedomstvoaralyq komısıanyń otyrysy ótti. Jalpy, qazirgi kúni elimizde koronavırýs juqtyryp alǵan 9 300-den astam adam tirkeldi. Olardyń arasynda 50 paıyzy, ıaǵnı 4 600-den astam naýqas jazylyp, aýrýhanadan shyqty. Ókishinke oraı 37 naýqas qaıtys boldy. qazirgi ýaqytta 4 653 naýqas em alyp jatyr. Olardyń arasynda 355 bala bar. Sonymen qatar osy naýqastardyń 85 paıyzynyń jaǵdaıy jeńil deńgeıde dep atýǵa bolady. Kóp naýqas sımptomsyz tirkelgen. Biraq, 13 paıyz nemese 543 naýqastyń jaǵdaıy ortasha, 1,5 nemese 58 naýqastyń jaǵdaıy aýyr. Olardyń ishinde 19 naýqas ókpeni jasandy jeldetýge qosylǵan", - dedi Eljan Birtanov Ortalyq komýnıkasıalar qyzmetindegi brıfıń barysynda.