Qazaqstan Respýblıkasy Aqparat jáne qoǵamdyq damý mınıstrligi 2020 jylǵy 25 mamyrda Memleket basshysynyń «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańǵa qol qoıǵanyn habarlaıdy. Bul týraly aqparatty mınıstrlik Telegram arnasyna júktegen bolatyn, dep jazady Qamshy.kz aqparat agenttigi

Zań alǵash resmı jarıalanǵan kúnnen keıin kúntizbelik on kún ótken soń qoldanysqa engiziledi.

Zań 2020 jylǵy 26 mamyrda jarıalandy, sáıkesinshe 2020 jylǵy 6 maýsymda kúshine enedi.

2020 jylǵy 6 maýsymǵa deıin «Qazaqstan Respýblıkasynda beıbit jınalystar, mıtıńiler, sherýler, pıketter jáne demonstrasıalar uıymdastyrý men ótkizý tártibi týraly» 1995 jylǵy 17 naýryzdaǵy Qazaqstan Respýblıkasynyń Zańy óz kúshinde qalady.

Osyǵan baılanysty beıbit jınalystar týraly habarlamalar men kelisýdi alý týraly ótinishterdi joldaý «Qazaqstan Respýblıkasynda beıbit jınalystardy uıymdastyrý jáne ótkizý tártibi týraly» zańy kúshine engennen keıin múmkin bolady.