Búgin kandıdattar aldaǵy debattarǵa qatysý úshin ózderiniń rettik nómirlerin tikeleı efırde bildi.

«Nur Otan» partıasy Almaty qalalyq fılıaly tóraǵasynyń birinshi orynbasary Stanıslav Kankýrovtyń aıtýynsha, kópshilik pikirsaıysqa qatysýshylardyń jerebesi loto qaǵıdaty boıynsha onlaın rejımde ótkiziledi. Jerebe tartý rásimin kıno men teatrdyń tanymal akterleri Azamat Satybaldy men Gúlbahram Baıbosynova ótkizdi.

«Tikeleı efırde júrgizýshiler ashyq barabannan kezdeısoq nómirlerdi alyp shyǵardy, osy ýaqytta úlken ekranda kandıdattardyń derekteri alfavıttik retpen kórsetildi. Osylaısha, árbir qatysýshy tikeleı efırde «Nur Otan» partıasynyń Almaty qalalyq jáne aýdandyq fılıaldarynyń resmı akkaýnttarynda debatqa qatysý nómirin, ýaqyty men kúnin kóre aldy. Bul sharalar karantındik sharalardy qatań saqtaý qajettiliginen, sondaı-aq jerebe tastaý rásiminiń maksımaldy ashyqtyǵyn arttyrý maqsatynda týyndady», - dedi Kankýrov.

Jarıa pikirsaıys 14- qyrkúıekten bastalyp, 30- qyrkúıekte aıaqtalady.

Esterińizge sala keteıik, Almatyda 225 qatysýshynyń ishinen praımerızge áıelderdiń 35% - y, 35 jasqa deıingi jastardyń 32% - y, sondaı-aq erekshe qajettilikteri bar adamdar, kóp balaly analar, eriktiler jáne basqalar tirkelgen.

Úgit jumystary 7 qyrkúıekte bastaldy jáne búgingi kúni kandıdattar ZOOM arqyly bastaýysh partıa uıymdarynyń tóraǵalarymen onlaın-kezdesýler, karantındik normalardy qatań saqtaı otyryp, ashyq alańdarda jáne jeldetiletin úı-jaılarda oflaın kezdesýler arqyly 300-den astam is-shara ótkizdi.

«Nur Otan» partıasy Almaty qalalyq fılıalynyń baspasóz qyzmeti