«Salıqaly urpaq» qaıyrymdylyq qory az qamtylǵan otbasylardyń oqýshylaryna jazǵy demalys uıymdastyrdy.

Bolat Nazarbaevtyń «Salıqaly urpaq» qoǵamdyq qory Túrkistan men Almaty oblystarynan 60 balany «OFFLINE demalike» jazǵy lagerine apardy. Olardyń arasynda 20 oqýshy Maqtaral aýdanynda sý tasqynan japa shekken otbasylardyń balalary.

 Elimizdegi epıdemıologıalyqjaǵdaı men karantın sharalarynyń engizilýine baılanysty lager jumysynyń daıyndyǵy belgilengen merzimnen keıin bastaldy. 

 Uıymdastyrýshylardyń arqasynda Almaty oblysynda taýdyń baýraıy men kóldiń jaǵasyndaǵy eń ádemi jaılaýda ornalasqan lager balalar kelgenshe daıyn boldy.

 Oqýshylardyń ata-analary qordyń ulttyq qundylyqtardy qasterleıtin lagerde jazǵy demalysty uıymdastyrý usynysyn qýanyshpen qabyldady.

 «Qaıyrymdylyq qory qıyn kezeńde qoldaý kórsetti. Lagerde ótkizgen 10 kún balalardyń esinde máńgi saqtalady dep senemin. Olar demalystan alǵan umytylmas áserlerin qýanyshpen eske túsiredi dep oılaımyn», —   deıdi bir oqýshynyń ákesi Erkin Ryhymbaev.

 Lagerde balalar ártúrli sport sharalary men ulttyq  oıyndarǵa qatysty. Olardyń arasynda qazaqsha kúres, arqan tartý, báıge, búrkitpen saıat qurý jáne basqalary bar. On kún ishinde balalar úshin oratorlyq sheberlikti damytatyn arnaıy zıatkerlik baıqaýlar uıymdastyryldy.

 «Tańǵajaıyp tabıǵaty bar keremet meken barlyǵyn tamsandyrdy. Taza aýa men kóterińki kóńil-kúıden keıin demalys esten ketpeıtini anyq. Lagerde taýǵa shyǵyp, ulttyq oıyndar oınap, baıqaýlar men jarystarǵa qatystyq. Qyzyqty demalys boldy», - deıdi Maqtaral aýdanynyń oqýshysy Rahat Tynyshbek.

 Tárbıeshiler men medısına qyzmetkerleri, sonymen qatar, aspazdar balalarmen birge 10 kún lagerde bolyp, dostyq kóńil-kúıdi qalyptastyrýǵa umtyldy.

 «Bizdiń lagerdiń basty maqsaty – qyzyqty, tartymdy jáne saýyqtyrý demalysyn uıymdastyrý. Ulttyq naqyshta uıymdastyrylǵan lagerde kóptegen oıyndar bar. Olar arqyly balalar qazaq halqynyń mádenıeti jáne salt-dástúrimen tereń tanysady. Óskeleń urpaqty rýhanı qundylyqtarmen tárbıelep, elimizdiń baı tarıhymen qyzyqtyryp, patrıotızm sezimin uıalatýdy qalaımyz», - deıdi jazǵy lagerdiń tárbıeshisi Mıras Qanatuly.

 Jańa oqý jyly qarsańynda az qamtylǵan otbasylardyń 1 000 oqýshysy Bolat Nazarbaev qorynan jańa noýtbýkter alǵanyn aıta ketken jón. Elimizde qalyptasqan epıdemıologıalyq jaǵdaıǵa baılanysty bıyl bilim berý qashyqtan júrgizilýde.

 «Salıqaly urpaq» qaıyrymdylyq qory qyzmetin 2016 jyldyń sáýirinen bastady. Qor birneshe baǵytta jumys isteıdi: az qamtylǵan otbasylardyń jetim balalaryn qoldaý jáne tárbıeleý, az qamtylǵan otbasylarǵa azyq-túlik taratý, emge muqtaj jandarǵa qarajat bólý, oqý aqysyn tóleý, memlekettik tildi, ulttyq dástúrlerdi dáripteý, meshit qurylysyn salý, ártúrli deńgeıdegi sport sharalaryn uıymdastyrý.

 Aıta keteıik, qordyń qarajatynan Maqtaralda sý tasqynynan zardap shekken turǵyndarǵa arnalǵan 20 úı salyndy.