Prezıdenti Qasym-Jomart Toqaev Qazaqstannyń ekonomıkalyq daǵdarystan qutylǵanyn, biraq qazir el buryn-sońdy bolmaǵan krızısti bastan keship jatqanyn aıtty, dep habarlady Aqorda resmı saıty.

– Qazaqstan basqa memleketter sıaqty teńdessiz daǵdarysty bastan keshýde. Tutastaı alǵanda, biz eldegi ekonomıkalyq daǵdarystyń quldyraýyn boldyrmadyq. Bul jerde Úkimet jaqsy jumys jasady dep aıtý kerek. Bıznesti yntalandyrý boıynsha qadamdar jasalyp, halyqtyń osal toptaryna kómek kórsetildi.

Dúnıejúzilik bank taıaýda elimizdiń áleýmettik-ekonomıkalyq damýynyń negizgi kórsetkishteriniń oń serpinine joǵary baǵa berdi.

Sonymen birge, búkil álemde jaqyndap kele jatqan pandemıanyń ekinshi tolqyny jańa mindetterdi talap etedi, – dedi prezıdent koronavırýstyq pandemıanyń ekinshi tolqynyna daıyndyq jónindegi keńeste.

Memleket basshysy úkimetke kelesi jyly daǵdarysqa qarsy sharalardy jalǵastyrý úshin birqatar sharalar men tıisti resýrstar ázirleýdi tapsyrdy.

– Meniń tapsyrmam boıynsha áleýmettik-ekonomıkalyq jaǵdaı nasharlaǵan jáne koronavırýstyq ınfeksıanyń jańa tolqyny týyndaǵan jaǵdaılarǵa den qoıýdyń keshendi jospary ázirlendi.

Alaıda, búgingi alańdatarlyq másle bar, atap aıtqanda, Reseıge sanksıalyq qysymnyń kúsheıýi, Zakavkazedegi, kórshi memleketterdegi jaǵdaıdyń shıelenisýi, basqa da syrtqy faktorlar bizdiń daǵdarysqa qarsy josparlarymyz ben boljamdarymyzda aldan ala eskerýdi talap etedi.

Úkimet Ulttyq bankpen birlesip jospardy ózektendirip, ony qazan aıynyń sońyna deıin ákimshilikke kelisýge engizýi kerek, – dedi Toqaev.