Burynǵy kúıeýi 1,5 jyldan keıin kelip áıelin baltamen soqqynyń astyna alǵan. Bul oqıǵa týraly "Ne Molchı" qoǵamdyq uıymy óziniń Facebook paraqshasynda jarıalady.

Oqıǵa 8-qazan kúni bolǵan. Túski 3-ter shamasynda Katá esimdi jábirlenýshini azamattyq nekede bolǵan kúıeýi mas kúıinde úıine izdep kelgen. Kelinshektiń dárihanaǵa ketkenin estigen qylmysker esik aldynda tyǵylyp kútip turǵan.

Bul jaǵdaıdyń barlyǵynan habardar bolyp otyrǵan qurbysy dereý Katáǵa habarlasyp, eskertken. Sóıtip anasy kelgenshe úıde balalaryna qaraılasyp otyrypty. Kózdi ashyp-jumǵansha esik aldynan qurbysynyń daýysyn estigen ol polısıa qyzmetkerlerin shaqyryp, arasha túspek bolǵan.  Polısıa shaqyrǵanyn estigende burynǵy kúıeýi  birden boı tasalady. 

Jábirlenýshiniń aıtýynsha, mundaı jaǵdaı birinshi ret bolyp otyrǵan joq. Aıyrylysyp ketse de, er adam Katányń sońynan qalmaıtyn kórinedi. Ýchaskelik ınspektorǵa   5 ret aryz jazǵan, biraq esh nátıje bolmaǵan.

"Ne molchı" qoǵamdyq qory Shymkent qalasynyń polısıa departamentine aryz jazǵan. İspen polısıa aınalysyp jatyr.