"Asyl Arna" telearnasynyń dırektory Muhamedjan Tazabek Qazaqstan arnasynda ashylǵany jatqan "Tálim Trend" habarynda din taqyryby qozǵalmaıtynyn aıtty, dep jazady KazTAG agenttigi.

– Baǵdarlama qandaıda bir dinı taqyrypty qozǵamaıdy. Baǵdarlama áleýmettik máselelerge, qoǵamdy mazalaǵan saýaldarǵa, otbasy qundylyqtaryna arnalady, –  dep jaýap berdi ol.

Agenttik tilshisi Tazabekten belgili jýrnalıs Dına Elgezektiń ózin "sáláfıt" dep aıyptaǵanyna qatysty pikir bildirýin suramaq bolǵan.

Alaıda Muhamedjan Tazabektiń kómekshileri suhbattyń aldynda, onyń sáláfızm týraly suraqtarǵa jaýap bermeıtinin eskertken.

Agenttik tilshisi sonda da atalǵan suraqty qoımaq bolǵanda, Asyl Arna dırektory aınalasyndaǵy adamdardyń biri jýrnalıs kamerasynyń jazbasyn toqtatyp tastaǵan.