Belgili estada ánshisi Ernar Aıdar instagram paraqshasynda myńdaǵan adam aldanyp qalǵan lotereıa daýyna qatysty tergeýdiń barysy týraly aıtty.

Ózine sengendikten lotereıa bıletterin alyp, aldanyp qalǵan azamattardan keshirim suraǵan ánshi óziniń aram oıy bolmaǵanyn, qazirgi kezde tergeý áli de jalǵasyp jatqanyn, tergeýge kýáger retinde qatysyp júrgenin málim etti.

Onyń sózinshe, lotereıa bıletteriniń aqshasyn uıymdastyrýshylar alǵan.

Al jarnamadan túsken qarjyny quzyrly organ qaıtarý kerektigin aıtsa, qaıtaratynyn, ózinde qaldyrsa qaıyrymdylyqqa jumsaýǵa ázir ekenin habarlady.

Ánshi ózin tabalap jatqandarǵa, keshirimmen qaraýdy surady.

"Aq qarasyn bilmeı, maǵan qarǵys aıtyp, jaman sózder aıtyp jatqan aǵaıyn: "Júıeli qarǵys júıesin tabady, júıesiz qarǵys ıesin tabady". Ia men súrindim. Múmkin sizder adamzattyń eshqashan súrinbeıtin túrinen shyǵarsyzdar! Mende óstip-óstip ómir súrýdi bir kúnderi úırenermin. Ýaqyt tóreshi.
Men sizderge tek qana jaqsylyq tileımin!
Tergeýdiń aıaqtalýyn kúteıik!" delingen ánshi jazbasynda.