– Karantınge deıin respýblıkada shamamen 16 myń kafe, meıramhana, bar, karaoke-klýb, bılárd bólmeleri, kınoteatrlar men saýda ortalyqtary janyndaǵy fýdkorttar jumys istedi. Olardyń árqaısysynda orta eseppen 50 jumys orny boldy. Bir jerde kóp, bir jerde az. Biraq karantınge deıingi kezeńde sala respýblıka boıynsha shamamen 800 myń adamdy jumyspen qamtydy. Onda bıznes ıeleri, aspazdar, daıashylar jáne tehnıkalyq qyzmetkerler bar. Iaǵnı, karantın jarıalanǵan kezde bizdiń salada dál sonsha adam jumyssyz qaldy, – dedi qaýymdastyq prezıdenti.

Onyń sózinshe, karaokeler naýryz aıynda jabylǵan beri shamamen 20 mlrd teńgeden astam shyǵyn kórgen.

"Kınopark" jáne "Kınopleks" sıaqty kınoteatrlardyń iri jelisiniń fýdkorttary 7 mlrd teńgege jýyq qarjy joǵaltqan.

Maman meıramhana bıznesiniń kóptegen qyzmetkerleri jabylǵannan keıin taksı qyzmetine ketkenin aıtty.

Karantın kesirinen mekemelerdiń 45 paıyzy qyzmetin toqtatqan.