Densaýlyq saqtaý mınıstrligi ótken táýlikte 110 adamnan koronavırýs, 159 adamnan koronavırýs ınfeksıasy bar pnevmonıa anyqtalǵanyn, 1 adam qaıtys bolǵanyn habarlady.
Mınıstrlik málimetinshe, keshe pnevmonıaǵa shaldyqqan 82 adam, koronavırýs juqtyrǵan 179 adam aýrýhanadan shyǵarylǵan.
Qazirgi ýaqytta koronavırýs ınfeksıasy boıynsha 2 789 adam em qabyldap jatyr. Onyń 99-y bala bar. 2 055 naýqas stasıonarlarda, 734 adam ambýlatorıalyq jaǵdaıda emdelýde.
Naýqastardyń arasynda 82 adamnyń ahýaly nashar. Sonyń ishinde 14 naýqastyń ahýaly asa qatty aýyr dep baǵalanýda. 11 naýqas ókpeni jasandy jeldetý apparatynda jatyr.
Dúnıejúzilik densaýlyq saqtaý uıymy, shetel jáne Qazaqstan ǵalymdary koronavırýs belgileri bar pnevmonıanyń shyn máninde koronavırýs ekenin málimdegenine qaramastan, Qazaqstan bıligi koronavırýs pen pnevmonıa statısıkasyn jeke-jeke júrgizip keledi.
Elde koronavırýs anyqtalǵan alǵashqy kúnnen búginge deıin 109 094 adam vırýs juqtyrǵan. Onyń 104 525-i jazylyp shyqsa, 1768 adam qaıtys bolǵan.
Pikir qaldyrý