«Jastar teatry» Astana qalasy ákimdiginiń qoldaýymen  2007 jyly  Sh.Aıtmatov, Á.Kekilbaev shyǵarmalarynyń jelisinde «Shyńǵys han» qoıylymymen shymyldyǵyn ashty. Sol kezeńnen bastap  halyqaralyq, respýblıkalyq teatr festıválderine qatysyp, birneshe ret Gran-prı ıegeri atandy. Búgingi tańda talantty jastar quramymen jasaqtalǵan jas teatrdyń repertýarynda jıyrmaǵa jýyq qoıylymdar bar. Sondaı-aq alǵash ret trýppa quramynda T.Júrgenov atyndaǵy óner akademıasynyń bıylǵy bitirýshi 4 kýrs stýdentteri álemdik tájirıbede dýaldy oqytý júıesi boıynsha tájirıbe almasýda.

Sol júıeniń negizinde Astanalyq jastar teatry 2013 jyldyń 2-3 jeltoqsan kúnderi Almaty jurtshylyǵyna kishi gastróldik saparyn ótkizedi. 2-jeltoqsan kúni B.Soqpaqbaevtyń «...Kózime bir kórinseń bala ǵashyq... » sahnalyq povesi, 3-jeltoqsan kúni S.Raevtiń «Mekkege qaraı uzaq jol»  qoıylymdaryn usynbaq. Qoıýshy rejıser Qazaqstannyń  eńbek sińirgen qaıratkeri Nurqanat Jaqypbaı. Atalmysh qoıylymdar qazaq teatr óneriniń qara shańyraǵy M.Áýezov atyndaǵy memlekettik akademıalyq qazaq drama teatrynda ótedi. Osy kishi gastróldik sapardy uıymdastyrýǵa muryndyq bolǵan M.Áýezov teatr ujymyna Astana Jastar teatry óz alǵysyn bildiredi.