Shyǵys Qazaqstan oblysy Úrjar aýdany Maqanshy aýylyndaǵy polısıa bólimshesinde 33 jastaǵy kúdiktiniń ólimine qatysty bes polısıa qyzmetkeri jumystan bosatylyp, úsheýi qamaýǵa alyndy, dep habarlady zakon.kz saıty.

Oblystyq polısıa departamenti baspasóz qyzmetiniń habarlaýynsha, osy oqıǵa boıynsha polısıa bólimshesinde úsh qyzmetker kúdikti dep tanylǵan. Olar jumysynan bosatylyp, Úrjar aýdanynyń polısıa bólimshesiniń ýaqytsha ustaý ızolátoryna qamalyp, "Azaptaý" baby boıynsha tergelip jatyr.

Saıt málimetinshe, oblystyq polısıa departamenti bastyǵynyń buıryǵymen, memlekettik qyzmettiń bedelin túsirgeni, "Quqyq qorǵaý qyzmeti týraly" zań talaptaryn saqtamaǵany, qyzmetkerlerdiń is-áreketi men minez-qulqyn tıisinshe baqylamaǵany úshin Úrjar aýdandyq polısıa bóliminiń eki basshysy ishki ister organdarynan shyǵaryldy.

Jedel-tergeý toby qurylyp, ony oblystyq polısıa basshysy Saǵat Mádıev basqardy.