Belgili jýrnalıs, jazýshy Dáýren Qýat facebook paraqshasynda Qazaqstan prezıdenti Qasym-Jomart Toqaev týraly pikirin qaldyrdy.
"Bálkim, ýaqyttyń tegeýrinine shydaý múmkin bolmaǵan shyǵar, bálkim, saıası júıeniń talaby men saıası júristirinen aldanyp qalmaýdyń qıyndyǵynan qıyndyq kórgen shyǵar, kóp jigitter ózderi qoǵamdasyp qurǵan bılikten qashty, qashtyńyz ne, qarsy shyqty. Sol kezde myzǵymaǵan bir adamdy bilemin, ol – Qaskeń – Qasym-Jomart Toqaev. Qasym-Jomart Toqaev degeni kisińizdi men ultyn, qazaǵyn súıetin, súıýdińiń sumdyǵy men shyndyǵyna shydap, tóze biletin tulǵa dep bilemin. Qısatpaı, qıratpaı qazaǵan myna qym qýat zamannan alyp shyǵý oǵan amanat.
Al endi, resmı málimet: Men Prezıdent Qasym-Jomart Toqaevtyń halyqqa arnaǵan úndeýin qanaǵattanarlyq sezimmen oqyp shyqtym. Qazaqstan búginderi álemdik demokratıalyq úrdisterge ún qatyp, memleketimizdegi saıası júıeni jańǵyrtýǵa naqtyly qadamdar jasap kele jatqanyn kórip otyrmyz. Osy oraıda jańa ustanymdarǵa baılanysty parlamenttik opozısıa ınstıtýtyn qalyptastyryp, zań shyǵarýshy organnyń bir kommısıasyna tóraǵalyq etýdi, sonymen birge eki hatshynyń opozısıalyq depýtattar arasynan saılanýy buryn-sońdy bolmaǵan úrdis ekenin aıtqym keledi. Bul kózqarastar men pikirlerdiń sanalýandyǵy men qabyldanatyn sheshimderdiń jan-jaqtylyǵyn qamtamasyz etedi dep senemin.
Jańa tujyrymdamada sonymen birge áıelder men jastar úshin 30 paıyzdyq kvota berilýin naqtylaı túsedi. Buryn bul másele aýyzsha ǵana sóz bolyp kelse, endi oryndalýy tıis qujat bolatyny túsinikti. Demek, Prezıdentimiz aıtqandaı, buryndary shetqaqpaı kórip kelgen áıelder qaýymy men jastar Parlamette ǵana emes, jergilikti organdarǵa da keńinen tartyla bastamaq.
Úndeýde aıtylǵan máslıhattar saılaýynyń partıalyq tizim boıynsha ótýi kópten beri qoǵamda talqylanyp kele jatqan dúnıe. Odan keıin jergilikti ákimderdiń saılanyp qoıylýy óz sheshimin tabady dep senemin. Osylaısha demokratıa qundylyqtary kúndelikti ómirimizge enip, qazaqstandyq qoǵamnyń izgilenýi jedeldeı túspek" delingen jazbada.
