Almaty ákimi Baqytjan Saǵyntaev jumys sapary barysynda bıyl abattandyrý jumystary júrip jatqan aýdannyń birqatar qoǵamdyq keńistikterinde boldy.

Qala ákimi B. Saǵyntaev Instagram paraqshasynda jańarǵan aýlalar men jaıaý júrginshi aımaqtary qoǵamdyq keńistikti nurlandyra túskenin atap ótti.

"Aýdanǵa jasaǵan jumys sapary kezinde aýmaqtardy ózgertýge keshendi túrde qarap, shań-tozań bolmaý úshin barlyq bos ýchaskelerdi barynsha kógaldandyrýdy tapsyrdym. Bıyl aýdanda 205 aýla, 9 skver jóndelip, 5 bos ýchaske, 2 jaǵalaý aımaǵy abattandyryldy. №10 yqshamaýdandaǵy jaıaý júrginshiler aımaǵy jóndelýde" dep jazdy Almaty ákimi.

B. Saǵyntaev bul jumystardyń barlyǵy turǵyndarmen ótken esep berý kezdesýlerinde aıtylǵan ótinishter boıynsha jasalǵanyn atap ótti.

"Adamdardyń kóńil-kúıleriniń qalaı jaqsaryp jatqanyn baıqaý qıyn emes. Yqshamaýdandar ómir súrýge yńǵaıly bolyp túrlenýde. Yńǵaıly oryndyqtar, ústel oıyndaryna arnalǵan ústelder, balalar alańdary turǵyndarǵa uzaq qyzmet eteri sózsiz" dep atap ótken B. Saǵyntaev qala turǵyndary burynǵysha ózderi turatyn jerdi abattandyryp, gúlder men aǵashtar otyrǵyzýdy qolǵa alsa degen usynysyn bildirdi.

"Tártip saqtap, balalarymyzǵa qalamyzǵa uqypty qaraýdyń úlgisin kórseteıik" dedi megapolıs ákimi.