Polshada atyp óltirilgen 16 jastaǵy qazaqstandyqtyń isine baılanysty jańa derekter shyqty, dep jazady SilkRoad portaly.

Qazaqstandyqty óltirdi degen kúdikpen 51 jastaǵy Ch.Darıýsh esimdi azamat ustalǵan. Sotqa deıingi tergeý júrgenge deıin ol 3 aı qamaýda bolmaq. Kúdikti kinásin moıyndap, jigitti qaban eken dep oılap atqanyn jetkizdi.

Tergeý barysynda kúdikti azamat kásibı ańshy ekeni, qarý ustaýǵa ruhsaty bary anyqtaldy. İs boıynsha taǵy bir azamat 41 jastaǵy B.Marsın esimdi adam ustalǵan. Oǵan úsh aıyp taǵylyp otyr. Ol 5 jylǵa bas bostandyǵynan aıyrylýy múmkin.

Buǵan deıin qarashanyń 1-inen 2-sine qaraǵan túni Polshadaǵy mektep-ınternattyń birneshe oqýshysy alma baǵyna serýendeýge barǵanda oq atylyp, bir adamnyń qaza tapqany habarlanǵan. Qaıtys bolǵan 16 jastaǵy Ismaıl esimdi Shyǵys Qazaqstan oblysynyń týmasy Stanıslav Konar atyndaǵy kolejde oqyp júrgeni belgili boldy.