Qytaı bıligi Gonkong opozısıasysynyń jappaı otstavkaǵa ketýin synady, dep habarlaıdy Qamshy.kz aqparat agenttigi BBC-ge silteme jasap. Sársenbide 15 opozısıa ókili jumystan shyǵarylǵan tórt áriptesin qoldap, otstavkaǵa ketetinin jarıalaǵan. Olar Beıjiń "ulttyq qaýipsizdikke qaýip tóndiretinder jumystan shettetilý kerek" degennen keıin jumystan bosatyldy.   

Kóbi Qytaıdyń bul áreketin Gonkongtyń quqyǵyn shekteý dep tanydy, alaıda Qytaı muny moıyndamaı otyr. Otstavkaǵa ketken opozısıa ókilderi bul áreketi arqyly Beıjińge qarsylyǵyn kórsetýdi kózdeıdi.

"Eger olar óz otstavkasy arqyly radıkaldy opozısıany arandatyp, sheteldiń nazaryn aýdarýdy oılasa, kózdegen maqsatyna jete almaıtynyn aıtqym keledi" dedi resmı ókil.

Qytaı sársenbide jarıalaǵan qararda Gonkongtyń táýelsizdik alýyn qoldap, Qytaıdyń egemendigin moıyndamaı, shetelden kómek suraǵandar ulttyq qaýipsizdikke qaýip tóndiredi dep jazylǵan.  

Atalmysh qarar jarıalaǵannan keıin Gonkong qalanyń zańdy keńesinen tórt opozısıa ókilin shyǵardy. Ondaǵy 70 adamnyń 21 opozısıa ókili bolatyn. Beıjiń qararynan keıin jumystan bosatylǵan 4 áriptesin qoldaý maqsatynda jáne Qytaıǵa qarsylyq retinde 15 opozısıa ókili otstavkaǵa ketetinin jarıalady.

Qala ákmishilgi tórt opozısıa ókili jumystan bosatylyp qana qoımaı, kelesi ótetin saılaýǵa qatysý quqyǵynan aıyrylǵanyn habarlady. Saılaý 2020 jyldyń qyrkúıeginde ótýi kerek edi. Alaıda 2021 jylǵa aýystyrylǵan.

Beıjiń men Gonkong tórt adamnyń zańǵa qaıshy naqty qandaı áreket jasaǵandaryn ashyp aıtpady. Jumystan shettetilgen tórteýdiń ishinde Denıs Kýok (Dennis Kwok) pen Alvın Ieng Ngok-kıý (Alvin Yeung Ngok-kiu) bar. Olar AQSH senatorymen birlesip Gonkongqa sanksıa salý týraly hatqa qol qoıǵan. Kennez Leýng (Kenneth Leung) AQSH-qa saparynda pres-konferensıaǵa qatysyp, onda sanksıany qoldaıtynyn aıtqannan keıin oǵan qatysty qýdalaý bastalǵan. Tórtinshi opozısıa ókili Kýok Ka-kı (Kwok Ka-Ki) sheteldikterden Gonkongqa sanksıa salýdy suraýǵa nıetti bolǵan degen jeleýmen qýdalandy.