Tanymal Reseı sarapshysy Maksım Shevchenko "Eho Moskvy" radıostansıasyna suhbat berip, "Taýly Qarabaq" tóńiregindegi keıbir mańyzdy máselelerdi aıtty. Onyń sózinshe, Ázerbaıjan tek óz aýmaǵyn bosatyp qana qoıǵan joq, sondaı-aq Armenıa aýmaǵy arqyly ótetin dálizge baılanysty qolaıly kelisim jasady. Bul týraly aze.az saıty habarlady. 

Sarapshynyń pikirinshe, Ázerbaıjan Reseı men Túrkıa arasyndaǵy óte kúshti, baısaldy jáne túsinikti yntymaqtastyq alańyna aınalǵan.

– Armenıanyń Zangezýr atty tar jolaǵy arqyly Nahchyvanǵa jer dálizi salynady. Demek, Ázerbaıjan Grýzıany aınalyp ótip, Túrkıaǵa eń qysqa jolmen tikeleı shyǵatyn bolady.

Eger shynymen de qurlyq joly paıda bolsa, onymen birge Reseı de sol ónimdi alady, óıtkeni Nahchyvannyń Túrkıamen 25 shaqyrymdyq shekarasy bar. Men bul dálizdiń qandaı formatta bolatynyn bilmeımin.  Soǵys qalaı aıaqtalyp, aımaqtyń ortaq ekonomıkalyq keńistigine Armenıanyń qalypty ekonomıkalyq ıntegrasıasy bastalsa, armán-túrik sıaqty basqa da shekara ashylar edi, – dedi Shevchenko.