Armenıa astanasy Erevanda premer-mınıstr Nıkol Pashınán men opozısıa bir-birimen qarym-qatynasty rettep jatqanda, Bakýde saltanatty Jeńis sherýi daıyndalyp jatyr. Bul týraly aze.az saıty habarlady.

Ázerbaıjan armıasy ekinshi Qarabaq soǵysynda senimdi jeńiske jetti, al astanasy Bakýde áskerı sherý ótedi dep josparlanýda.

Reseılik saıası sarapshy, "Ulttyq qorǵanys" jýrnalynyń bas redaktory Igor Korochenko osy jaıtqa baılanysty pikir bildirdi.

– Sherýdi bizdiń zamanymyzdyń jetekshi on saıasatkeriniń biri Ilham Alıev júrgizedi. Tarıh osylaı jasalady, –  dedi Igor Korochenko.

Buǵan deıin 10 qarasha kúni Taýly Qarabaqta áskerı áreketterdi toqtatý týraly sheshim qabyldanǵan. Armenıa, Ázerbaıjan jáne Reseı arasynda bolǵan kelisim boıynsha, Lachın, Agdam, Kelbadjar aýdandary Ázerbaıjanǵa qaıtarylyp, basqynshy ásker aımaqtan shyǵaryldy.