Pavlodar oblysynda tasjoldaǵy jol-kólik oqıǵasy saldarynan bes adam qaza tapty. Bul týraly  Polisia.kz habarlady.

20 jeltoqsanda saǵat 13:05 shamasynda Pavlodar – Qyzylorda respýblıkalyq mańyzǵa ıe tasjolynyń 201 shaqyrymynda jol-kólik oqıǵasy boldy.  Apat saldarynan «Lada Granta» avtokóliginde bolǵan bes adam (júrgizýshi men tórt jolaýshy, olardyń bireýi jas bala) oqıǵa ornynda qaza tapty. Oqıǵa ornynda jedel-tergeý toby jumys istep jatyr. Oqıǵanyń mán-jaıy men qaza tapqan adamdardyń jeke bastary anyqtalýda.

Pavlodar oblysy densaýlyq saqtaý basqarmasynyń baspasóz hatshysy Elmıra Temirǵalıevanyń aıtýynsha, jol apaty saldarynan jaraqat alǵan taǵy bir áıel aýrýhanaǵa jatqyzyldy.

– Shamamen 35, 40 jáne 45 jastaǵy úsh er adamnyń, 40 jastaǵy áıeldiń jáne bes jastaǵy balanyń bıologıalyq ólimi tirkeldi.

1986 jyly týǵan naýqas. Oǵan jabyq bas jaraqaty, mıdyń shaıqalýy, mańdaı aımaǵynyń kógergen jarasy, keýde qýysynyń jarasy dıagnozy qoıyldy. Sondaı-aq, oǵan jambas pen keýde qýysynyń jabyq synýy dıagnozy qoıylǵan. Zardap shegýshi Ekibastuz qalalyq aýrýhanasynyń travmatologıa bólimshesinde jatyr, - dedi densaýlyq saqtaý basqarmasynyń ókili.