Ulttyq ıdeologıa durys jolǵa qoıylmaı, Qazaqstannyń damý strategıasy durys jolǵa qoıylmaıdy. Bul týraly "Aýyl" partıasynyń múshesi Dáýletkereı Kápuly partıalar arasyndaǵy debatta aıtty.

– Táýelsizdiktiń 30 jylynda memlekette túbegeıli ózgeris jasaý úshin aldymen áleýmettik nemese ekonomıkalyq máselelerdi emes, aldymen ıdeologıamyzdyń qalaı bolatynyn aıqyndap alýymyz qajet. Ulttyq ıdeologıa durys jolǵa qoıylmaı, bizdiń damý strategıamyz durys jolǵa qoıylmaıdy. "Aýyl" partıasy ulttyq ıdeologıa tujyrymdamasyn daıyndady. Ony elimizdiń zıaly qaýymdary men ult janashyrlary talqylady. Parlamentke osy daıyn qujatpen bara jatyrmyz, – dedi ol.

Sonymen qatar, partıa múshesi mádenı qundylyqtardy qorlap júrgenderge qatysty jańa zań jobasyn usynatyndaryn málimdedi.