Shymkent qalasy mádenıet, tilderdi damytý jáne arhıvter basqarmasy basshysynyń mindetin atqarýshy Hanzada Esenovanyń ókimimen "Shymkent qalalyq mádenıet úıi" konserttik uıymy" MKQK dırektorynyń mindetin atqarýshysy bolyp Sáken Maıǵazıev taǵaıyndaldy. Bul týraly Shymkent mádenıet basqarmasynyń baspasóz qyzmeti habarlady.

Sáken Qordabaıuly – Qazaqstan Respýblıkasynyń mádenıet qaıratkeri, Qazaqstannyń eńbek sińirgen qaıratkeri, "Daryn" memlekettik jastar syılyǵynyń ıegeri.

Ol 1975 jyly 1 qańtarda Túrkistan oblysy, Sozaq aýdanynda dúnıege kelgen.

1993 jyly J.Elebekov atyndaǵy Respýblıkalyq estrada – sırk kolejinde "Soqpaly aspaptar jáne estrada ánshisi" bólimine túsken.

1997 jyly T.Júrgenov atyndaǵy "Óner" akademıasynyń "Estrada ánshisi" bólimi boıynsha bilim alǵan.

2001 jyldan bastap "MýzART" tobynyń múshesi.

2012 jyldan bastap – J.Elebekov atyndaǵy Estrada jáne sırk kolejinde ustaz qyzmetin atqardy.

2018-2020 jyldary T.Júrgenov atyndaǵy Qazaq Ulttyq óner akademıasynyń shyǵarmashylyq jumystar jáne halyqaralyq baılanystar jónindegi prorektory qyzmetin atqardy.