Almaty oblysyndaǵy qus fabrıkalarynyń birinde otteginiń jetispeýshiliginen 41 myń taýyq tunshyǵyp, qyrylyp qaldy, dep habarlady Tengrinews.kz.

Oqıǵa Uıǵyr aýdanynda ornalasqan Otan Green Food JSHS qus fabrıkasynda bolǵan. Ákimdiktegiler qustyń qyrylýyn avtomatıkanyń isten shyǵýymen baılanystyryp otyr.

"Ekinshi broıler sehynyń úshinshi korpýsynda mıkroklımatty baqylaıtyn kompúter isten shyqty. Bul aýa berý klapandarynyń jabylýyna jáne bólme temperatýrasynyń kóterilýi men otteginiń azaıýyna ákelip soqty. Atalǵan faktini kásiporynnyń veterınarlyq qyzmeti rastady" delingen Uıǵyr aýdany ákimdiginiń habarlamasynda.

Ákimdikte qus tumaýyn anyqtaý boıynsha jumystar júrgizilgenin, synaqtyń teris nátıje kórsetkenin atap ótti.

Nazar aýdaryńyz! Beıne 18 jasqa tolmaǵan adamdarǵa, júkti jáne kóńilshek adamdarǵa usynylmaıdy.